ഡാമില്‍നിന്നും വെള്ളം തുറന്ന് വിടുന്നത് ഒറ്റയടിക്കല്ല, ഡാമുകള്‍ തുറക്കുക നിയമപ്രകാരം : മന്ത്രി കെ രാജൻ
കോഴിക്കോട്: ഡാമുകള്‍ തുറക്കുക നിയമപ്രകാരം മാത്രമാകുമെന്നും അണക്കെട്ടുകള്‍ തുറന്നാല്‍ ഉടന്‍ പ്രളയ൦ ഉണ്ടാകുമെന്ന് കരുതരുതെന്ന് റവന്യൂമന്ത്രി കെ.രാജന്‍ പറഞ്ഞു. ഡാമില്‍നിന്നും വെള്ളം തുറന്ന് വിടുന്നത് ഒറ്റയടിക്കല്ല . ഇത് നടക്കുന്നത് പടി പടിയായാണെന്ന് അദ്ദേഹം മാധ്യമങ്ങളോട് പറഞ്ഞു. മഴയുടെ ശക്തി കുറഞ്ഞത് ആശ്വാസത്തിന് ഇട നല്‍കുന്നുണ്ടെന്നും അദ്ദേഹം പറഞ്ഞു. .
കഴിഞ്ഞ ദിവസം തന്നെ തമിഴ്‌നാട് മുല്ലപ്പെരിയാര്‍ തുറക്കേണ്ടി വരുമെന്ന് അറിയിച്ചിരുന്നു. രാത്രി തുറക്കരുതെന്നും പരമാവധി ജലം കൊണ്ടു പോകണമെന്നും കേരളത്തെ നേരത്തെ ഡാം തുറക്കുന്ന കാര്യം അറിയിക്കണമെന്നും തമിഴ്‌നാട് സര്‍ക്കാരിനോട് ആവശ്യപ്പെട്ടിട്ടുണ്ട്. ഇനി 2018-ലെ അനുഭവം ഉണ്ടാകില്ല. കേരളം ജാഗ്രത കാലാവസ്ഥാ പ്രവചനം അനുസരിച്ച് പാലിക്കണമെന്നും മന്ത്രി പറഞ്ഞു.