ചാവക്കാട് വള്ളം മറിഞ്ഞ് കാണാതായ രണ്ട് മത്സ്യതൊഴിലാളികളില്‍ ഒരാളുടെ മൃതദേഹം കരയ്ക്കടിഞ്ഞു
Aug 4, 2022, 13:55 IST
തൃശൂര്‍: ചാവക്കാട് വള്ളം മറിഞ്ഞ് കാണാതായ രണ്ട് മത്സ്യതൊഴിലാളികളില്‍ ഒരാളുടെ മൃതദേഹം കരയ്ക്കടിഞ്ഞു. തിരുവനന്തപുരം പുല്ലൂര്‍വിള സ്വദേശിയായ വര്‍ഗീസിന്‍റെ മൃതദേഹമാണ് കാരക്കടിഞ്ഞത്. തിങ്കളാഴ്ച വൈകിട്ട് ആറംഗ സംഘം മത്സ്യബന്ധനത്തിന് പോയി തിരികെ വരുമ്പോഴാണ് വള്ളം തിരയില്‍പ്പെട്ട് മറിഞ്ഞത്. ഇവരിൽ നാലുപേര്‍ നീന്തി രക്ഷപെട്ടിരുന്നു. ബുധനാഴ്ച കോസ്റ്റ് ഗാര്‍ഡ് ഹെലികോപ്റ്റര്‍ ഉപയോഗിച്ച് നടത്തിയ തിരച്ചിലില്‍ മൃതദേഹങ്ങള്‍ കണ്ടെത്തിയെങ്കിലും വീണ്ടെടുക്കാനായില്ല. ഇന്ന് രാവിലെയാണ് വലപ്പാട് കടപ്പുറത്ത് നിന്ന് മൃതദേഹം കണ്ടെത്തിയിരുന്നു. പുല്ലൂര്‍വിള സ്വദേശിയായ ഗില്‍ബര്‍ട്ടിന്റെ മൃതദേഹമാണ് ഇനി കണ്ടെത്താനുള്ളത്.