ശബരി എക്സ്പ്രസിൻറെ പുറപ്പെടുന്ന സമയത്തിൽ താത്ക്കാലിക മാറ്റം
Updated: Aug 6, 2022, 21:27 IST
തിരുവനന്തപുരം: ശബരി എക്സ്പ്രസ് പുറപ്പെടുന്ന സമയത്തിൽ ഞായറാഴ്ചകളിൽ ഒഴികെയുള്ള ദിവസങ്ങളിൽ താത്ക്കാലികമായി മാറ്റം. രാവിലെ ഏഴിനു തിരുവനന്തപുരം സെൻട്രലിൽ നിന്ന് പുറപ്പെടേണ്ട ട്രെയിൻ രാവിലെ 10.30 ന് ആയിരിക്കും പുറപ്പെടുക. തിങ്കളാഴ്ച മുതൽ സെപ്റ്റംബർ ഏഴു വരെയാണ് ഈ സമയമാറ്റം.
രാവിലെ ഏഴിനു തന്നെ ഞായറാഴ്ചകളിൽ പുറപ്പെടും. ഈ മാസം ഏഴ്, 14, 21, 28, സെപ്റ്റംബർ മൂന്ന് എന്നീ തീയതികളിൽ ടാറ്റാനഗർ - എറണാകുളം ജംഗ്ഷൻ പ്രതിവാര ട്രെയിൻ ചെന്നൈ ഡിവിഷൻ പരിധിയിൽ ഒന്നര മണിക്കൂർ പിടിച്ചിടും. ഈ ക്രമീകരണ൦ ട്രാക്കിൽ അറ്റകുറ്റപ്പണികൾ നടക്കുന്നതിനാലാണെന്ന് റെയിൽവേ അറിയിച്ചു.