തൃശൂരിൽ സ്വകാര്യബസ് താഴ്ചയിലേക്ക് മറിഞ്ഞു; രണ്ടുപേർക്ക് ഗുരുതര പരിക്ക്
തൃശൂർ: തൃശൂർ കൊണ്ടാഴിയിൽ സ്വകാര്യ ബസ് താഴ്ചയിലേക്ക് മറിഞ്ഞു. തൃശൂരിൽ നിന്നും തിരുവില്വാമലയിലേക്ക് വരികയായിരുന്ന സുമംഗലി എന്ന ബസാണ് അപകടത്തിൽപ്പെട്ടത്. ബസ് ഡ്രൈവർക്കും ഒരു യാത്രക്കാരിക്കും ഗുരുതര പരിക്കുണ്ട്.
ഇന്ന് രാവിലെ എട്ടോടെയായിരുന്നു അപകടം സംഭവിച്ചത്. പത്തടിയോളം താഴ്ചയിലേക്ക് ബസ് മറിയുകയായിരുന്നു. സ്കൂൾ, കോളജ് വിദ്യാർഥികൾ ഉൾപ്പടെ 30 ഓളെ യാത്രക്കാർ അപകടസമയം ബസിലുണ്ടായിരുന്നു.
നാട്ടുകാരും പോലീസുകാരും ചേർന്നാണ് ബസിലുണ്ടായിരുന്നവരെ പുറത്തെടുത്തത്. നിസാരപരിക്കേറ്റവരെ പഴയന്നൂർ വടക്കേത്തറ സമൂഹികാരോഗ്യകേന്ദ്രത്തിൽ [പ്രവേശിപ്പിച്ചിരിക്കെയാണ്. ഗുരുതര പരിക്കുള്ളവരെ ചേലക്കര താലൂക്ക് ആശുപത്രിയിലും ഒറ്റപ്പാലത്തെ ആശുപത്രിയിലും എത്തിച്ചു.