തൃശ്ശൂർ: ആളൂർ ഗ്രാമപഞ്ചായത്തിലെ ആനത്തടത്ത് വന്യജീവി ആക്രമണത്തിൽ നാല് ആടുകൾ കൊല്ലപ്പെട്ടു. വിശ്വനാഥപുരം അമ്പലത്തിന് സമീപം താമസിക്കുന്ന ചാതേലി മാത്യുവിന്റെ ഉടമസ്ഥതയിലുള്ള ആടുകളെയാണ് തിങ്കളാഴ്ച പുലർച്ചെ ചത്ത നിലയിൽ കണ്ടെത്തിയത്. ആക്രമണത്തിൽ ഒരു ആട്ടിൻകുട്ടിക്ക് പരിക്കേറ്റിട്ടുണ്ട്.(4 goats found dead in Thrissur, Wild animal attack suspected)
മരത്തിന്റെ പട്ടികകൾ കൊണ്ട് നിർമ്മിച്ച കൂടിനുള്ളിലാണ് ആടുകളെ സംരക്ഷിച്ചിരുന്നത്. പുലർച്ചെ നാലരയോടെ പശുക്കളെ കറക്കാനായി എഴുന്നേറ്റ മാത്യു, ആട്ടിൻകുട്ടിയുടെ കരച്ചിൽ കേട്ടാണ് കൂടിന് സമീപമെത്തിയത്. കുറുനരി ആക്രമിച്ചതാണ് എന്നാണ് കരുതുന്നത്. പ്രദേശത്ത് വന്യജീവി ശല്യം പതിവാകുകയാണെന്നാണ് പ്രതികരണം.
