പാലക്കാട്: കേരളം ഉറ്റുനോക്കുന്ന തൃത്താല മണ്ഡലത്തിൽ വോട്ടെണ്ണൽ പുരോഗമിക്കുമ്പോൾ നിലവിലെ മന്ത്രി എം.ബി. രാജേഷിനെ പിന്നിലാക്കി വി.ടി. ബൽറാം വിജയത്തിലേക്ക്. നാലാം റൗണ്ട് വോട്ടുകൾ എണ്ണിത്തീർന്നപ്പോൾ തന്നെ താൻ മണ്ഡലം തിരിച്ചുപിടിച്ചുവെന്ന സൂചന നൽകി വി.ടി. ബൽറാം പങ്കുവെച്ച ഫേസ്ബുക്ക് പോസ്റ്റ് ഇതിനോടകം വൈറലായിക്കഴിഞ്ഞു.(VT Balram Lead Thrithala, M.B. Rajesh Trailing kerala election 2026)
`ഇറ്റ്സ് എ കം ബാക്ക്, താങ്ക്യു തൃത്താല’ എന്ന അടിക്കുറിപ്പോടെയാണ് ബൽറാം ചിത്രം പങ്കുവെച്ചത്. സെൽഫിയിൽ എം.ബി. രാജേഷ് ഇരിക്കുന്നതും പശ്ചാത്തലത്തിൽ കാണാം. കഴിഞ്ഞ തവണ വോട്ടെണ്ണൽ പൂർത്തിയാകും മുൻപ് തന്നെ തോൽവി സമ്മതിച്ച് പോസ്റ്റിട്ട ബൽറാം, ഇത്തവണ നാലാം റൗണ്ടിൽ തന്നെ വിജയം ഉറപ്പിച്ച മട്ടിലാണ്.
കഴിഞ്ഞ തവണ കൈവിട്ട മണ്ഡലം എന്ത് വിലകൊടുത്തും തിരിച്ചുപിടിക്കുമെന്ന് പ്രഖ്യാപിച്ചാണ് മുൻ എം.എൽ.എ കൂടിയായ വി.ടി. ബൽറാം ഇത്തവണ മത്സരരംഗത്തിറങ്ങിയത്. മന്ത്രിപ്പട ഒന്നൊന്നായി വീഴുമ്പോൾ തൃത്താലയിലെ ഈ മുന്നേറ്റം യുഡിഎഫിന് ആത്മവിശ്വാസം നൽകുന്ന ഒന്നാണ്.
Story Summary
UDF candidate V.T. Balram is leading in Thrithala, overtaking Minister M.B. Rajesh. Balram shared a “Comeback” selfie on Facebook featuring a focused Rajesh in the background, signaling his confidence in regaining the seat he lost in the previous election.
