തിരുവനന്തപുരം: കേരളത്തിൽ ഭരണമാറ്റം ഉണ്ടാകുമെന്ന എക്സിറ്റ് പോൾ ഫലങ്ങൾ ശരിവച്ച് കെപിസിസി അധ്യക്ഷൻ സണ്ണി ജോസഫ്. വി ഡി സതീശൻ നയിച്ച ‘പുതുയുഗയാത്ര’ ജനം ഏറ്റെടുത്തുവെന്നും അദ്ദേഹം പറഞ്ഞു.(The high command will decide the Chief Minister, says Sunny Joseph)
മുഖ്യമന്ത്രിയെ സംബന്ധിച്ച ചർച്ചകൾ മാധ്യമങ്ങൾ അനവസരത്തിൽ നടത്തുന്നതാണ്. തിരഞ്ഞെടുപ്പ് ഫലം വന്ന ശേഷം ഹൈക്കമാൻഡ് എംഎൽഎമാരുടെ അഭിപ്രായം കൂടി പരിഗണിച്ച് മുഖ്യമന്ത്രിയെ തീരുമാനിക്കും. പോളിംഗ് ഓഫീസർമാരെ നിയോഗിച്ചത് പക്ഷപാതപരമായ രീതിയിലാണെന്ന് അദ്ദേഹം ആരോപിച്ചു.
വയനാടിന് മന്ത്രി ഉണ്ടാകുമോ എന്ന ചോദ്യത്തിന് സമീപത്തുണ്ടായിരുന്ന ടി സിദ്ദിഖിനെ നോക്കി ചിരിച്ചുകൊണ്ടായിരുന്നു അദ്ദേഹത്തിന്റെ മറുപടി. ‘കോൺഗ്രസ് ഭൂമി’യിലെ വീട് നിർമ്മാണം ചില സാങ്കേതിക കടമ്പകൾക്ക് ശേഷം ഉടൻ ആരംഭിക്കുമെന്നും അദ്ദേഹം വ്യക്തമാക്കി. അതേസമയം എൽഡിഎഫിന്റെ പന്തലിൽ യുഡിഎഫ് സത്യപ്രതിജ്ഞ ചെയ്യുമെന്ന് എം എം ഹസ്സൻ പറഞ്ഞു.
