ടെഹ്റാൻ: പശ്ചിമേഷ്യയെ വീണ്ടും വൻ യുദ്ധഭീതിയിലാഴ്ത്തി ഇറാന്റെ തന്ത്രപ്രധാന മേഖലകളിൽ അമേരിക്കയുടെ ശക്തമായ വ്യോമാക്രമണം. വെടിനിർത്തൽ അവസാനിച്ചതായി യുഎസ് പ്രസിഡന്റ് ഡോണൾഡ് ട്രംപ് പ്രഖ്യാപിച്ചതിന് തൊട്ടുപിന്നാലെയാണ് നാവിക-വ്യോമ സേനകളെ സാക്ഷിനിർത്തി യുഎസ് സെൻട്രൽ കമാൻഡ് ആക്രമണം അഴിച്ചുവിട്ടത്. അന്താരാഷ്ട്ര വാണിജ്യ പാതയായ ഹോർമുസ് കടലിടുക്കിലൂടെയുള്ള കപ്പലുകൾക്ക് നേരെ ഇറാൻ തുടർച്ചയായി നടത്തുന്ന ആക്രമണങ്ങൾക്കുള്ള നേരിട്ടുള്ള തിരിച്ചടിയാണ് ഇതെന്ന് യുഎസ് സൈനിക വൃത്തങ്ങൾ വ്യക്തമാക്കി.(US airstrikes Iran, US Launches Massive Airstrikes On Strategic Iranian Coastal Cities)
ഇറാന്റെ പ്രധാന തുറമുഖ നഗരങ്ങളായ ബന്ദർ അബ്ബാസ്, സിരിക് എന്നിവിടങ്ങളിൽ അതിശക്തമായ സ്ഫോടനങ്ങളാണ് ഉണ്ടായത്. ഇതിന് പുറമെ ചബാഹർ, കോണാർക്, ബുഷഹർ, ഖേഷം ദ്വീപുകൾ തുടങ്ങിയ അതീവ സുരക്ഷാ പ്രാധാന്യമുള്ള തീരദേശ മേഖലകളിലും യുഎസ് യുദ്ധവിമാനങ്ങൾ ബോംബവർഷം നടത്തി.
തുറമുഖങ്ങളിലെ സൈനിക താവളങ്ങൾ, കപ്പൽ വിരുദ്ധ മിസൈൽ വിക്ഷേപണ കേന്ദ്രങ്ങൾ, തീരദേശ റഡാറുകൾ, വ്യോമ പ്രതിരോധ സംവിധാനങ്ങൾ എന്നിവ പൂർണ്ണമായും തകർക്കുക എന്ന ലക്ഷ്യത്തോടെയായിരുന്നു നീക്കം. കപ്പൽ ഗതാഗതത്തിന് ഭീഷണിയുയർത്തുന്ന ഇറാന്റെ നാവിക-സൈനിക ശേഷി ദുർബലപ്പെടുത്താനാണ് യുഎസ് നീക്കം. ആക്രമണത്തിൽ മേഖലയിൽ വലിയ തോതിലുള്ള നാശനഷ്ടങ്ങൾ റിപ്പോർട്ട് ചെയ്തിട്ടുണ്ട്.
Story Summary
The United States has launched massive airstrikes on Iran’s strategic and coastal military sites following Donald Trump’s declaration that the ceasefire has ended. The strikes, targeting key locations like Bandar Abbas and Chabahar, come as retaliation for Iranian attacks on international commercial vessels in the Strait of Hormuz.
