ഫിഫ ലോകകപ്പ് പ്രീ-ക്വാർട്ടർ മത്സരത്തിൽ മെക്സിക്കോയെ നേരിടാനൊരുങ്ങുന്ന ഇംഗ്ലണ്ട് ടീമിന് അപ്രതീക്ഷിതമായി വയഗ്ര ഉപയോഗിക്കാൻ അനുമതി നൽകി. എന്നാൽ, ഇത് അമിതമായ ആവേശം മൂലമല്ല, മറിച്ച് ഉയർന്ന പ്രദേശത്തെ ഓക്സിജൻ കുറവുമൂലം താരങ്ങൾക്കുണ്ടാകാൻ സാധ്യതയുള്ള ശാരീരിക ബുദ്ധിമുട്ടുകൾ മറികടക്കാനാണ് (England vs Mexico). മെക്സിക്കോയിലെ എസ്റ്റാഡിയോ അസ്ടെക്ക സ്റ്റേഡിയം സമുദ്രനിരപ്പിൽ നിന്ന് 7,350 അടി ഉയരത്തിലാണുള്ളത്. ഇവിടെ കളിക്കുമ്പോൾ താരങ്ങൾക്ക് അനുഭവപ്പെടുന്ന തളർച്ചയും ഓക്സിജൻ കുറവും പരിഹരിക്കാനാണ് ഈ മരുന്ന് സഹായിക്കുക.
എന്തുകൊണ്ട് വയഗ്ര?
വയഗ്രയിലെ ‘സിൽഡെനാഫിൽ’ (Sildenafil) എന്ന ഘടകം രക്തധമനികളെ വികസിപ്പിക്കാനും രക്തയോട്ടം വർദ്ധിപ്പിക്കാനും സഹായിക്കുന്നു. ഇത് കായികതാരങ്ങൾക്ക് ഉയർന്ന പ്രദേശങ്ങളിൽ ശ്വസനപ്രക്രിയ സുഗമമാക്കാൻ സഹായിക്കുമെന്നാണ് പഠനങ്ങൾ പറയുന്നത്. ലോക ഉത്തേജക വിരുദ്ധ ഏജൻസിയുടെ (WADA) നിരോധിത പട്ടികയിൽ വയഗ്ര ഉൾപ്പെട്ടിട്ടില്ലാത്തതിനാൽ ഇത് കായികതാരങ്ങൾക്ക് ഉപയോഗിക്കാൻ നിയമപരമായി അനുവാദമുണ്ട്. സമുദ്രനിരപ്പിൽ വെച്ച് ഈ മരുന്ന് പ്രകടനത്തിൽ വലിയ മാറ്റമൊന്നും വരുത്തുന്നില്ലെങ്കിലും, ഉയരത്തിലുള്ള സ്റ്റേഡിയങ്ങളിൽ കളിക്കുമ്പോൾ ശാരീരികക്ഷമത നിലനിർത്താൻ ഇത് ഫലപ്രദമാണെന്ന് കണ്ടെത്തിയിട്ടുണ്ട്.
മെക്സിക്കോയുടെ ദേശീയ സ്റ്റേഡിയമായ എസ്റ്റാഡിയോ അസ്ടെക്കയിൽ മെക്സിക്കൻ ടീമിനെ തോൽപ്പിക്കുക എന്നത് ഏത് ടീമിനും വലിയ വെല്ലുവിളിയാണ്. ഇവിടെ നടന്ന കഴിഞ്ഞ 89 മത്സരങ്ങളിൽ രണ്ടെണ്ണത്തിൽ മാത്രമാണ് മെക്സിക്കോ തോറ്റിട്ടുള്ളത്. 2013-ന് ശേഷം ഈ സ്റ്റേഡിയത്തിൽ മെക്സിക്കോ തോറ്റിട്ടില്ല എന്നതും ഇംഗ്ലണ്ടിന്റെ ആശങ്ക വർദ്ധിപ്പിക്കുന്നു. മുമ്പത്തെ മത്സരത്തിൽ ഡി.ആർ കോംഗോയ്ക്കെതിരെ കഷ്ടിച്ച് ജയിച്ചുകയറിയ ഇംഗ്ലണ്ട്, മെക്സിക്കോയ്ക്കെതിരെ മികച്ച പ്രകടനം തന്നെ കാഴ്ചവെക്കേണ്ടതുണ്ട്. ശാരീരിക ക്ഷമതയുടെ കാര്യത്തിൽ ഒട്ടും വിട്ടുവീഴ്ച ചെയ്യാതെ ജയം നേടാനാണ് പരിശീലകൻ തോമസ് ടുക്കലും സംഘവും ലക്ഷ്യമിടുന്നത്.
Summary: England’s football team has been granted permission to use Viagra to combat altitude sickness ahead of their FIFA World Cup Round of 16 match against Mexico at the Estadio Azteca. Located 7,350 feet above sea level, the stadium’s high altitude poses significant challenges, including fatigue and oxygen deprivation for visiting athletes. Viagra is not a banned substance under WADA regulations, and its blood-vessel-dilating properties are being utilized to help players maintain peak physical performance in these demanding conditions.
