കൊച്ചി: മലയാള സിനിമയിലെ റെക്കോർഡുകളെല്ലാം തകർത്ത് ഇൻഡസ്ട്രി ഹിറ്റായി മാറിയ ‘വാഴ 2’ ഒടിടി പ്ലാറ്റ്ഫോമിലെത്തുന്നു. തിയേറ്ററുകളിൽ വമ്പൻ വിജയം നേടിയ ചിത്രം മെയ് 8 മുതൽ ജിയോ ഹോട്ട്സ്റ്റാറിലൂടെ സ്ട്രീമിങ് ആരംഭിക്കും.(Vaazha II to start streaming on OTT, know when )
കേരളത്തിൽ നിന്ന് മാത്രം 100 കോടിയിലധികം രൂപ കളക്ഷൻ നേടിയ ചിത്രം ആഗോളതലത്തിൽ 200 കോടി രൂപയും പിന്നിട്ടിരുന്നു. മോഹൻലാൽ ചിത്രം ‘തുടരും’ നേടിയ 118.90 കോടിയുടെ കളക്ഷൻ മറികടന്നാണ് ‘വാഴ 2’ വലിയ വിജയമായി മാറിയത്. മലയാളത്തിന് പിന്നാലെ തെലുങ്കിൽ ഡബ്ബ് ചെയ്ത് റിലീസ് ചെയ്തപ്പോഴും അവിടെ നിന്നും മികച്ച പ്രതികരണമാണ് ചിത്രത്തിന് ലഭിച്ചത്.
സോഷ്യൽ മീഡിയ താരങ്ങളായ ഹാഷിർ, അജിൻ, അലൻ, വിനായകൻ എന്നിവർ പ്രധാന വേഷങ്ങളിലെത്തിയ ചിത്രത്തിൽ ബിജുക്കുട്ടൻ, സുധീഷ് എന്നിവരുടെ പ്രകടനങ്ങളും ശ്രദ്ധിക്കപ്പെട്ടിരുന്നു. സവിൻ സാ ആണ് ചിത്രത്തിന്റെ സംവിധായകൻ. സിനിമയിലെ കോമഡി രംഗങ്ങളും പാട്ടുകളും ഇതിനകം തന്നെ സോഷ്യൽ മീഡിയയിൽ ട്രെൻഡായി മാറിക്കഴിഞ്ഞു.
