തിരുവനന്തപുരം: ഉദരഭാഗത്തെ പ്രധാന ധമനിയിലും ഇരുകാലുകളിലേക്കും രക്തം എത്തിക്കുന്ന ധമനികളിലും പൂർണ്ണമായും തടസ്സം നേരിട്ട കൊല്ലം സ്വദേശിയായ 73-കാരന് അത്യാധുനിക ‘കവേർഡ് എൻഡോവാസ്കുലർ റീകൺസ്ട്രക്ഷൻ ഓഫ് ദി അയോർട്ടിക് ബൈഫർക്കേഷൻ’ (Kimshealth trivandrum cerab procedure) ചികിത്സയിലൂടെ ആശ്വാസം പകർന്ന് തിരുവനന്തപുരം കിംസ്ഹെൽത്തിലെ (KIMSHEALTH) മെഡിക്കൽ സംഘം.
ഇരുകാലുകളിലും കഠിനമായ വേദനയും നീർക്കെട്ടും അനുഭവപ്പെട്ടതിനെ തുടർന്നാണ് രോഗി കിംസ്ഹെൽത്തിൽ ചികിത്സ തേടിയത്. തുടർന്ന് നടത്തിയ സി.ടി. ആൻജിയോഗ്രാം (CT Angiogram) പരിശോധനയിലാണ് ഉദരഭാഗത്തെ പ്രധാന ധമനിയും കാലുകളിലേക്കുള്ള ധമനികളും പൂർണ്ണമായി അടഞ്ഞ നിലയിലാണെന്ന് കണ്ടെത്തിയത്. ഇത് കാലുകളിലേക്കുള്ള രക്തയോട്ടം ഗണ്യമായി കുറയ്ക്കാൻ കാരണമായിരുന്നു.
കിംസ്ഹെൽത്ത് ന്യൂറോ ഇന്റർവെൻഷണൽ റേഡിയോളജി വിഭാഗം സീനിയർ കൺസൾട്ടന്റ് ഡോ. മനീഷ് കുമാർ യാദവിന്റെ നേതൃത്വത്തിലുള്ള സംഘമാണ് രോഗിക്ക് ‘സെറാബ്’ (CERAB) ചികിത്സ നിർദ്ദേശിച്ചത്. ഉദരഭാഗത്തെയും കാലുകളിലെയും സങ്കീർണ്ണമായ തടസ്സങ്ങൾ വലിയ ശസ്ത്രക്രിയകളില്ലാതെ ചികിത്സിക്കാൻ സഹായിക്കുന്ന അത്യാധുനിക മിനിമലി ഇൻവേസീവ് (Minimally Invasive) രരീതിയാണിത്. രക്തക്കുഴലുകളിലൂടെ കത്തീറ്ററുകൾ കടത്തിവിട്ട് അടഞ്ഞ ഭാഗങ്ങളിൽ പ്രത്യേകതരം സ്റ്റെന്റുകൾ സ്ഥാപിച്ചാണ് ധമനികളുടെ സ്വാഭാവിക ഘടന പുനഃസൃഷ്ടിച്ച് രക്തയോട്ടം പുനഃസ്ഥാപിച്ചത്.
“ഉദരഭാഗത്തെ പ്രധാന ധമനിയിലും കാലുകളിലേക്കുള്ള ധമനികളിലുമുള്ള സങ്കീർണ്ണ തടസ്സങ്ങൾ വലിയ മുറിവുകളോ ശസ്ത്രക്രിയയോ കൂടാതെ നീക്കം ചെയ്യാൻ കഴിയുന്ന CERAB പ്രായമായ രോഗികൾക്ക് ഏറെ ഗുണകരമാണ്.”
— ഡോ. മനീഷ് കുമാർ യാദവ്
മൂന്ന് മണിക്കൂർ നീണ്ടുനിന്ന സങ്കീർണ്ണ പ്രക്രിയയിൽ ന്യൂറോ ഇന്റർവെൻഷണൽ റേഡിയോളജി വിഭാഗം സീനിയർ കൺസൾട്ടന്റ് ഡോ. സന്തോഷ് ജോസഫ്, അനസ്തീഷ്യ വിഭാഗം കൺസൾട്ടന്റ് ഡോ. പാർവ്വതി പി. എന്നിവരും പങ്കാളികളായി. ചികിത്സയ്ക്ക് ശേഷം ഇരുകാലുകളിലേക്കുമുള്ള രക്തയോട്ടം സാധാരണ നിലയിലാവുകയും വേദനയും നീർക്കെട്ടും പൂർണ്ണമായി മാറുകയും ചെയ്തു. മൂന്ന് ദിവസത്തെ ആശുപത്രിവാസത്തിന് ശേഷം രോഗി പൂർണ്ണ ആരോഗ്യവാനായി വീട്ടിലേക്ക് മടങ്ങി.
Story Summary:
Doctors at KIMSHEALTH, Thiruvananthapuram, successfully performed a complex Covered Endovascular Reconstruction of the Aortic Bifurcation (CERAB) procedure on a 73-year-old patient from Kollam who was suffering from complete blockage in major abdominal and leg arteries.
