മുംബൈ: പ്രധാനമന്ത്രി നരേന്ദ്ര മോദിയെ വാനോളം പുകഴ്ത്തിയും ‘ഭഗവാൻ വിഷ്ണുവിന്റെ അവതാര’മെന്ന് വിശേഷിപ്പിച്ചും ബോളിവുഡ് നടൻ സുദേശ് ബേരി. അവസരം ലഭിച്ചാൽ പ്രധാനമന്ത്രിയുടെ പാദങ്ങൾ കഴുകി ആ വെള്ളം കുടിക്കാൻ താൻ ആഗ്രഹിക്കുന്നുണ്ടെന്നും താരം ഒരു അഭിമുഖത്തിൽ വ്യക്തമാക്കി.(Sudesh Berry Praises PM Narendra Modi Calls Him Avatar Of Lord Vishnu)
ജന്തർ മന്തറിൽ സമരം നടത്തുന്ന പ്രതിപക്ഷ കൂട്ടായ്മകളെയും പ്രക്ഷോഭകരെയും രൂക്ഷമായ ഭാഷയിലാണ് നടൻ വിമർശിച്ചത്. “രാജ്യത്തിനായി ഒന്നും ചെയ്യാത്ത വെറുതെയിരിക്കുന്ന ആൾക്കാരാണ് ഇവർ. സമൂഹത്തെ സേവിക്കണമെന്നുണ്ടെങ്കിൽ കുട്ടികൾക്കായി പാർക്കുകളോ മുതിർന്നവർക്കായി വൃദ്ധസദനങ്ങളോ നിർമ്മിക്കുകയാണ് വേണ്ടത്. ജന്തർ മന്തറിൽ പോയി ഇരുന്ന് പ്രതിഷേധിച്ചതുകൊണ്ട് ഒന്നും നേടാനാകില്ല,” സുദേശ് ബേരി പറഞ്ഞു.
രാജ്യത്ത് ഇപ്പോൾ ‘രാമരാജ്യം’ വന്നിരിക്കുകയാണെന്നും തനിക്ക് കാണാൻ കഴിയുന്നത് മറ്റുള്ളവർക്ക് കാണാൻ കഴിയില്ലെന്നും താരം കൂട്ടിച്ചേർത്തു. അമിത് ഷാ, അജിത് ഡോവൽ, യോഗി ആദിത്യനാഥ് എന്നിവരും രാജ്യത്തിന് വേണ്ടി മികച്ച സേവനമാണ് ചെയ്യുന്നതെന്ന് പറഞ്ഞ നടന്റെ പ്രസ്താവന സോഷ്യൽ മീഡിയയിൽ വൻ ചർച്ചയായിരിക്കുകയാണ്.
Story Summary
Bollywood actor Sudesh Berry sparked a debate after praising Prime Minister Narendra Modi, describing him as an “avatar of Lord Vishnu” and expressing his wish to wash Modi’s feet and drink the water. In a recent interview, the ‘Border’ actor also slammed protesters at Delhi’s Jantar Mantar, calling them idle and urging them to engage in constructive social service instead.
