രാജകുടുംബത്തിലെ മരുമകളാകുന്നതിനും മുൻപേ അതീവ സഹാനുഭൂതിയുള്ള ഒരു വ്യക്തിയായിരുന്നു ഡയാന രാജകുമാരിയെന്ന് റോയൽ ഓതർ കാതറിൻ മെയറിന്റെ പുതിയ പുസ്തകമായ ‘ഡിവൈഡ് ആൻഡ് റൂൾ: റോയൽ വിമൻ ആൻഡ് ദെയർ ബാറ്റിൽസ്’ (Divide and Rule: Royal Women and Their Battles) വെളിപ്പെടുത്തുന്നു. ഡയാനയുടെ കുട്ടിക്കാലത്തെ അനുഭവങ്ങളും കൗമാരത്തിലെ വായനാശീലങ്ങളും അവരുടെ പിൽക്കാല ജീവിതത്തെയും പ്രണയത്തെയും എങ്ങനെ സ്വാധീനിച്ചു എന്നതിനെക്കുറിച്ചുള്ള ഞെട്ടിക്കുന്ന വിവരങ്ങളാണ് പുസ്തകത്തിലുള്ളത്.(Princess Diana Biography)
ഏറെ കരുണയുള്ള ഒരു കുട്ടിയായിരുന്നു ഡയാനയെന്ന് സുഹൃത്തുക്കൾ സാക്ഷ്യപ്പെടുത്തുന്നു. സ്കൂൾ പഠനകാലത്ത് അനാഥയായ ഒരു വയോധികയെ സന്ദർശിക്കാൻ ഡയാന സ്ഥിരമായി സമയം കണ്ടെത്തിയിരുന്നു. ഇതിനായി അവർ പലപ്പോഴും ക്ലാസുകളിൽ പോകാതെ വയോധികയെ കാണാൻ പോകുമായിരുന്നു. എയിഡ്സ് ബാധിച്ച രോഗികളുടെ കൈകൾ പിടിച്ച് ആശ്വാസം നൽകിയ ഡയാനയുടെ പ്രശസ്തമായ പ്രവൃത്തികൾ പോലും ആ ചെറുപ്പകാലത്തെ കരുണയുടെ തുടർച്ചയായിരുന്നു.
തന്റെ വളർത്തമ്മയും പ്രശസ്ത നോവലിസ്റ്റുമായിരുന്ന ബാർബറ കാർട്ട്ലാൻഡിന്റെ ‘പൾപ്പ് റൊമാൻസ്’ നോവലുകളുടെ വലിയ ആരാധികയായിരുന്നു കൗമാരക്കാരിയായ ഡയാന. ഇത്തരം നോവലുകളിലെ അതിമനോഹരമായ പ്രണയകഥകൾ ഡയാനയുടെ മനസ്സിൽ വലിയൊരു പ്രണയ സങ്കൽപ്പം സൃഷ്ടിച്ചു. രാജകുമാരനും രാജകുമാരിയും തമ്മിലുള്ള ആ സ്വപ്നതുല്യമായ പ്രണയം തന്റെ ജീവിതത്തിലും ഉണ്ടാകുമെന്ന് ഡയാന ആഗ്രഹിച്ചു. എന്നാൽ ചാൾസ് രാജകുമാരുമായുള്ള ബന്ധത്തിൽ ഈ സ്വപ്നങ്ങളും യാഥാർത്ഥ്യവും തമ്മിലുള്ള വലിയൊരു സംഘർഷം ഉടലെടുത്തു.
1981-ലെ വിവാഹത്തിന് തൊട്ടുമുമ്പുള്ള ദിവസങ്ങളിൽ ഡയാനയ്ക്ക് വലിയൊരു സംശയം ഉണ്ടായിരുന്നു. വിവാഹം വേണ്ടെന്ന് വെക്കാൻ ഡയാന ആഗ്രഹിച്ചെങ്കിലും, കാര്യങ്ങൾ ഏറെ മുന്നോട്ടുപോയെന്നും ഇപ്പോൾ പിന്മാറാനാവില്ലെന്നും സഹോദരിമാർ നിർദ്ദേശിക്കുകയായിരുന്നു. വിവാഹത്തിന് തൊട്ടുമുമ്പ് ചാൾസ് രാജകുമാരൻ കാമില സമ്മാനിച്ച കഫ് ലിങ്കുകൾ ധരിക്കാൻ കാണിച്ച വ്യഗ്രത പോലും ഡയാനയെ മാനസികമായി തളർത്തിയിരുന്നു. പ്രണയവും അതിലെ സങ്കീർണ്ണതകളും രാജകുടുംബത്തിന്റെ സമ്മർദ്ദങ്ങളും ഡയാനയുടെ ജീവിതത്തെ തകർത്തെങ്കിലും, “ജനങ്ങളുടെ രാജകുമാരി” (People’s Princess) എന്ന വിശേഷണത്തിലേക്ക് അവരെ എത്തിച്ചത് ആ വേദന നിറഞ്ഞ അനുഭവങ്ങൾ കൂടിയായിരുന്നു.
Summary: A new book, ‘Divide and Rule: Royal Women and Their Battles’ by Catherine Mayer, provides fresh insights into Princess Diana’s life, revealing that her renowned empathy was a trait cultivated from childhood, long before her entry into the royal family. The biography explores how Diana’s early obsession with fairy-tale romance novels—penned by her step-grandmother Barbara Cartland—fostered unrealistic expectations that later clashed with the harsh realities of her troubled marriage to Prince Charles.
