കൊച്ചി: മലയാള സിനിമയിലെ ആക്ഷൻ പ്രേമികളെ ആവേശത്തിലാഴ്ത്തി ‘കാട്ടാളൻ’ മെയ് 28-ന് ആഗോള റിലീസിനൊരുങ്ങുന്നു (Kattalan Movie Release Date). ചിത്രത്തിൽ സിദ്ദിഖ് അവതരിപ്പിക്കുന്ന ‘ജോർജ് ഡി പീറ്റർ’ എന്ന കഥാപാത്രമാണ് ഇപ്പോൾ സിനിമാ ലോകത്തെ പ്രധാന ചർച്ചാവിഷയം. ക്യൂബ്സ് എന്റർടൈൻമെന്റ്സ് തന്നെ നിർമ്മിച്ച പാൻ ഇന്ത്യൻ ഹിറ്റ് ചിത്രം ‘മാർക്കോ’യിലെ അതേ കഥാപാത്രമായാണ് സിദ്ദിഖ് കാട്ടാളനിലും എത്തുന്നത്. മാർക്കോയിലെ ജോർജ് ഡി പീറ്റർ കാട്ടാളനിലും എത്തുന്നതോടെ ഒരു ‘ക്യൂബ്സ് സിനിമാറ്റിക് യൂണിവേഴ്സി’ന് (CU) തുടക്കമാവുകയാണോ എന്ന ആകാംക്ഷയിലാണ് ആരാധകർ. രണ്ട് സിനിമകളുടെയും കഥാപശ്ചാത്തലങ്ങൾ തമ്മിലുള്ള ബന്ധം അറിയാനുള്ള കാത്തിരിപ്പിലാണ് സിനിമാ പ്രേമികൾ.
ആന്റണി വർഗീസ് നായകനാകുന്ന ചിത്രത്തിൽ ദുഷാര വിജയനാണ് നായിക. സുനിൽ (പുഷ്പ ഫെയിം), കബീർ ദുഹാൻ സിംഗ്, രാജ് തിരാണ്ടുസു, പാർഥ് തിവാരി, ജഗദീഷ്, സിദ്ദിഖ് തുടങ്ങിയ വൻ താരനിര തന്നെ ചിത്രത്തിലുണ്ട്. ലോകപ്രശസ്ത സ്റ്റണ്ട് കൊറിയോഗ്രാഫർ കെച്ച കെംബാക്ഡിയും ടീമും തായ്ലന്റിൽ വെച്ചാണ് സംഘട്ടന രംഗങ്ങൾ ഒരുക്കിയത്. ‘ഓങ് ബാക്ക്’ സീരീസിലൂടെ പ്രശസ്തമായ ‘പോങ്’ എന്ന ആനയും ചിത്രത്തിന്റെ ഭാഗമാണ്.
നവാഗതനായ പോൾ ജോർജ് സംവിധാനം ചെയ്യുന്ന ചിത്രത്തിന് സംഗീതം നൽകുന്നത് കെജിഎഫ് ഫെയിം രവി ബസ്റൂർ ആണ്. ഉണ്ണി ആർ സംഭാഷണങ്ങൾ ഒരുക്കിയ ചിത്രത്തിന്റെ വിതരണം ഹോംബാലെ ഫിലിംസ് (കർണാടക), ടി സീരീസ് (മ്യൂസിക്) തുടങ്ങിയ പ്രമുഖ കമ്പനികളാണ് ഏറ്റെടുത്തിരിക്കുന്നത്.
അഞ്ച് ഭാഷകളിൽ പാൻ ഇന്ത്യൻ റിലീസായി എത്തുന്ന കാട്ടാളൻ, മലയാള സിനിമയിലെ തന്നെ ഏറ്റവും വലിയ വിദേശ റിലീസുകളിൽ ഒന്നാകാനാണ് ഒരുങ്ങുന്നത്. മെയ് 28-ന് ചിത്രം തിയേറ്ററുകളിലെത്തും.
Story Summary: The character poster of actor Siddique as ‘George D Peter’ from the upcoming action thriller “Kattalan” has sparked huge excitement online. Fans are buzzing over the connection between “Kattalan” and the blockbuster “Marco,” as Siddique reprises the same character, hinting at a ‘Cubes Cinematic Universe.’ Directed by debutant Paul George and starring Antony Varghese, the pan-Indian film features an international technical crew and is set for a grand release on May 28, 2026.
