അർജുൻ ദാസും അന്ന ബെന്നും പ്രധാന വേഷത്തിലെത്തിയ ‘കോൺ സിറ്റി’ തിയറ്ററുകളിൽ മികച്ച പ്രതികരണം നേടി മുന്നേറുകയാണ്. ചിത്രത്തിന്റെ ചിത്രീകരണത്തിനിടെ അന്ന ബെന്നിന്റെ അഭിനയശേഷിയെയും അർപ്പണബോധത്തെയും പ്രശംസിച്ച് രംഗത്തെത്തിയിരിക്കുകയാണ് നടൻ അർജുൻ ദാസ് (Arjun Das on Anna Ben). ഒരഭിമുഖത്തിൽ സംസാരിക്കവെ സഹതാരങ്ങളുടെ കഴിവുകളെ നിരീക്ഷിക്കാറുണ്ടെന്നും അന്നയുടെ പ്രകടനം തന്നെ അത്ഭുതപ്പെടുത്തിയെന്നും അദ്ദേഹം പറഞ്ഞു.
“വളരെ അനായാസമായാണ് അന്ന അഭിനയിക്കുന്നത്. ഒരു മാനസികാവസ്ഥയിൽ നിന്ന് മറ്റൊന്നിലേക്ക് വളരെ പെട്ടെന്നാണ് അവൾ മാറുന്നത്. ഒരു കഥാപാത്രത്തിലേക്ക് കയറുന്നതും ഇറങ്ങുന്നതും ഇത്ര വേഗത്തിൽ ചെയ്യാൻ അന്നയ്ക്ക് കഴിയുന്നു എന്നത് അത്ഭുതകരമാണ്,” അർജുൻ വ്യക്തമാക്കി.
തമിഴ് ചിത്രമായ കോൺ സിറ്റിയിൽ അന്ന ബെന്നിന് ഭാഷ ഒരു വെല്ലുവിളിയായിരുന്നുവെന്ന് അർജുൻ ചൂണ്ടിക്കാട്ടി. ഭാഷ അത്ര വശമില്ലാഞ്ഞിട്ടും സംവിധായകൻ ഹരീഷ് ദുരൈരാജ് ആഗ്രഹിച്ചതിനേക്കാൾ മികച്ച രീതിയിൽ അന്ന പെർഫോം ചെയ്തു. ഒരു നടൻ എന്ന നിലയിൽ സഹതാരങ്ങളിൽ നിന്ന് എപ്പോഴും പുതിയ കാര്യങ്ങൾ പഠിക്കാമെന്നും അർജുൻ പറഞ്ഞു. യോഗി ബാബു, വടിവുക്കരശി തുടങ്ങിയ വമ്പൻ താരനിര അണിനിരന്ന ചിത്രം സംവിധാനം ചെയ്തിരിക്കുന്നത് ഹരീഷ് ദുരൈരാജാണ്.
Summary: Actor Arjun Das has heaped praise on his Con City co-star Anna Ben, highlighting her remarkable ability to seamlessly slip into and out of characters. In a recent interview, Arjun mentioned that he is always observing his co-stars and was particularly impressed by Anna’s dedication and natural acting style. Despite the language barrier in the Tamil film, Arjun noted that Anna delivered an outstanding performance that exceeded the director’s expectations. Con City, directed by Hareesh Durairaj, also features Yogi Babu and Vadivukkarasi in prominent roles.
