ബ്രോഡ് പിറ്റുമായുള്ള വിവാഹമോചനത്തിന് ശേഷമുള്ള തന്റെ ജീവിതത്തെക്കുറിച്ച് മനസ്സ് തുറന്ന് ഹോളിവുഡ് താരം ആഞ്ജലീന ജോളി. ‘വെറൈറ്റി’ എന്ന മാധ്യമത്തിന് നൽകിയ അഭിമുഖത്തിലാണ്, വിവാഹമോചനത്തെത്തുടർന്നുണ്ടായ പ്രതിസന്ധികളിലും തന്റെ പോരാട്ടവീര്യം നഷ്ടപ്പെട്ട അവസ്ഥയെക്കുറിച്ചും താരം സംസാരിച്ചത് (Angelina Jolie on Children Support). “എന്റെ പോരാട്ടവീര്യം ഒടുവിൽ തിരിച്ചെത്തിയിരിക്കുന്നു,” എന്ന് പറഞ്ഞ ജോളി, ആ തിരിച്ചുവരവിന് പ്രധാന കാരണം തന്റെ മക്കളാണെന്നും വ്യക്തമാക്കി. വിവാഹമോചനത്തിന് ശേഷം താൻ ഏറെ തളർന്നുപോയിരുന്നുവെന്നും എന്നാൽ മക്കൾ നൽകുന്ന പിന്തുണയും പ്രോത്സാഹനവുമാണ് തന്നെ പഴയ അവസ്ഥയിലേക്ക് തിരികെ എത്തിച്ചതെന്നും താരം പറയുന്നു.
തന്റെ മക്കൾ ഇപ്പോൾ മുതിർന്നവരാണെന്നും, താൻ ലോകം ചുറ്റിക്കാണണമെന്നും പുതിയ കാര്യങ്ങളിൽ ഏർപ്പെടണമെന്നും അവർ ആഗ്രഹിക്കുന്നുണ്ടെന്നും ജോളി കൂട്ടിച്ചേർത്തു. “എന്റെ മക്കൾക്ക് എന്നെ മറ്റാരെക്കാളും നന്നായി അറിയാം. അവർ ഇപ്പോഴും എന്നെ ഇഷ്ടപ്പെടുന്നു എന്നത് വലിയ കാര്യമാണ്,” എന്നും താരം വികാരാധീനയായി പറഞ്ഞു. തന്റെ പുതിയ ചിത്രമായ ‘കൗച്ചർ’ ന്റെ പ്രചാരണാർത്ഥം സംസാരിക്കവെയാണ് താരം വ്യക്തിപരമായ കാര്യങ്ങൾ തുറന്നു പറഞ്ഞത്. ഒരു സംവിധായികയും ഒപ്പം വിവാഹമോചിതയുമായ അമ്മയുമായി സാമ്യമുള്ള കഥാപാത്രത്തെയാണ് ഈ ചിത്രത്തിൽ ജോളി അവതരിപ്പിക്കുന്നത്. തിരക്കഥാകൃത്തും സംവിധായികയുമായ ആലീസ് വിനോകൂർ, ജോളിയുടെ ജീവിതാനുഭവങ്ങളെ മുൻനിർത്തിയാണ് ഈ കഥാപാത്രത്തെ രൂപപ്പെടുത്തിയത്.
Summary: Angelina Jolie has candidly opened up about regaining her “fighting spirit” after a challenging period following her divorce from Brad Pitt. In an interview with Variety, the actress credited her six children for being her greatest source of support and encouragement, noting that their maturity and belief in her have pushed her to travel and rediscover herself. The actress spoke about these personal struggles while promoting her new film, ‘Couture’, a drama in which she portrays a single mother navigating a divorce—a role director Alice Winocour crafted specifically with Jolie’s own experiences in mind.
