മോസ്കോ: യുക്രെയ്നിന്റെ ഡ്രോൺ ആക്രമണങ്ങളെ പ്രതിരോധിക്കാൻ ഹെലികോപ്റ്ററുകളിൽ ഉപയോഗിക്കുന്ന ഭീമൻ മെഷീൻ ഗൺ ട്രക്കിൽ ഘടിപ്പിച്ച് പരീക്ഷിക്കുന്നതിനിടെ റഷ്യൻ സൈന്യത്തിന് വൻ അബദ്ധം. പരിശീലനത്തിനിടെ തോക്കിന്റെ ശക്തമായ തിരിവുബലം താങ്ങാനാകാതെ നിയന്ത്രണം വിട്ട ആയുധം ചുറ്റുമുള്ള സൈനികർക്ക് നേരെത്തന്നെ തുരുതുരാ വെടിയുതിർക്കുന്നതിന്റെ ദൃശ്യങ്ങൾ പുറത്തുവന്നു. സമൂഹമാധ്യമങ്ങളിൽ ഈ വീഡിയോ ഇപ്പോൾ വ്യാപകമായി പ്രചരിക്കുകയാണ്.(Russian Military Helicopter Gun Fails During Drone Defense Drill On Truck)
𝐕𝐢𝐫𝐚𝐥 𝐅𝐨𝐨𝐭𝐚𝐠𝐞: A Russian military training exercise reportedly went awry after troops mounted a YakB-12.7 helicopter machine gun on a fixed stand, with the weapon appearing to spin out of control during the drill.#Russia#RussianArmy#MilitaryTraining#YakB127 pic.twitter.com/rwwpVsx9K0
— Daily Kishtwar Times (@kishtwartimes1) July 12, 2026
റഷ്യൻ അധിനിവേശ പ്രദേശങ്ങളിലേക്കും ക്രിമിയൻ പെനിൻസുലയിലേക്കുമുള്ള സൈനിക വിതരണ ശൃംഖല തകർക്കാൻ യുക്രെയ്ൻ നടത്തുന്ന ഡ്രോൺ ആക്രമണങ്ങളെ ചെറുക്കാൻ റഷ്യ പ്രത്യേക ‘മൊബൈൽ ഫയർ യൂണിറ്റുകൾ’ രൂപീകരിച്ചിരുന്നു. ട്രക്കുകളിലും മറ്റ് വാഹനങ്ങളിലും ആയുധങ്ങൾ ഘടിപ്പിച്ച് നീങ്ങുന്ന ഡ്രോണുകളെ വെടിവെച്ചിടുകയായിരുന്നു ലക്ഷ്യം. ഇതിന്റെ ഭാഗമായാണ് സാധാരണയായി എം.ഐ-24 (Mi-24) അറ്റാക്ക് ഹെലികോപ്റ്ററുകളിൽ ഘടിപ്പിക്കുന്ന ‘യാക്ബി-12.7’ (YakB-12.7) ഹെവി റോട്ടറി മെഷീൻ ഗൺ സൈനികർ ഒരു ട്രക്കിന് മുകളിൽ സ്ഥാപിച്ചത്.
എന്നാൽ ഈ തോക്ക് പ്രവർത്തിപ്പിക്കുമ്പോൾ ഉണ്ടാകുന്ന അതിശക്തമായ തള്ളലും കറക്കവും നിയന്ത്രിക്കാൻ ട്രക്കിലെ സ്റ്റാൻഡിന് സാധിച്ചില്ല. സൈനികൻ വെടിയുതിർത്ത തൊട്ടടുത്ത നിമിഷം തന്നെ തോക്ക് വന്യമായി കറങ്ങുകയും ഇയാളെ ദൂരേക്ക് തെറിപ്പിക്കുകയും ചെയ്തു. തുടർന്ന് നിയന്ത്രണമില്ലാതെ നാലുപാടും വെടിയുണ്ടകൾ പായുന്നതിനിടയിൽ ട്രക്കിലുണ്ടായിരുന്ന രണ്ടാമത്തെ സൈനികൻ അത്ഭുതകരമായാണ് ജീവൻ രക്ഷിച്ചത്. തലനാരിഴയ്ക്ക് വെടിയുണ്ടകളിൽ നിന്ന് ഒഴിഞ്ഞുമാറിയ ഇയാൾ ജീവൻ പണയം വെച്ച് ഒടുവിൽ മെഷീൻ ഗൺ പിടിച്ചുകെട്ടുകയായിരുന്നു.
Story Summary
A Russian military training exercise went dangerously wrong when troops mounted a YakB-12.7 helicopter machine gun on a truck to counter Ukrainian drones. The operator failed to manage the weapon’s massive torque, causing the rotary gun to spin out of control and spray live fire in all directions, narrowly missing another soldier.
