പന്തീരാങ്കാവ് ഗാർഹിക പീഡനക്കേസ്: പ്രതി രാഹുല്‍ ജര്‍മനിയിലേക്ക് കടന്നതായി സൂചന
May 16, 2024, 14:30 IST
കോഴിക്കോട്: പന്തീരാങ്കാവില്‍ നവവധുവിനെ ഭർത്താവ് ക്രൂരമായി ആക്രമിച്ച കേസിലെ പ്രതിയായ രാഹുല്‍ പി. ഗോപാലന്‍ ജോലിസ്ഥലമായ ജര്‍മനിയിലേക്കു രക്ഷപ്പെട്ടതായി സൂചന. ഇയാൾ ജര്‍മനിയില്‍ ഏറോനോട്ടിക്കല്‍ എന്‍ജിനീയറാണ് ജോലിചെയ്യുന്നത്. ഇക്കാര്യം വെളിപ്പെടുത്തിയത് പ്രതി തന്നെയാണ്. രാജ്യം വിടേണ്ടി വന്നത് നാട്ടിൽ നിൽക്കാൻ കഴിയാത്ത സാഹചര്യമായതിനാലാണ് എന്ന് രാഹുൽ പറഞ്ഞു. പ്രത്യേക അന്വേഷണ സംഘം ഇയാൾ രാജ്യം വിട്ടോയെന്ന് ഉറപ്പിക്കാനായി ഫോറിനേഴ്‌സ് റീജണല്‍ രജിസ്‌ട്രേഷന്‍ ഓഫീസില്‍ ബന്ധപ്പെട്ടു. രാജ്യമെങ്ങും ഇയാൾക്കായി ജാഗ്രത പുലർത്തി വരികയാണ് പോലീസ്.