കൊച്ചി: എറണാകുളം പള്ളുരുത്തിയിൽ പെട്രോൾ പമ്പ് ജീവനക്കാരനെ ക്രൂരമായി മർദിച്ചയാൾ മയക്കുമരുന്ന് കേസ് പ്രതിയെന്ന് റിപ്പോർട്ട് (Palluruthy petrol pump attack). പള്ളുരുത്തി വെളിയിലുള്ള ഇന്ത്യൻ ഓയിൽ കോർപ്പറേഷന്റെ (IOC) പമ്പിൽ തിങ്കളാഴ്ച ഉച്ചയ്ക്ക് രണ്ടരയോടെയാണ് അതിക്രമം നടന്നത്. പെട്രോൾ അടിക്കാൻ വൈകിയെന്നാരോപിച്ചായിരുന്നു മർദനം.
പമ്പിലെ ജീവനക്കാരന്റെ മുഖത്ത് യുവാവ് തുടർച്ചയായി അടിക്കുന്ന ദൃശ്യങ്ങൾ പുറത്തുവന്നിട്ടുണ്ട്. മറ്റു ജീവനക്കാർ ചേർന്ന് അക്രമിയെ തടയാൻ ശ്രമിച്ചെങ്കിലും ഇയാൾ പിന്മാറാൻ തയ്യാറായില്ല. പരിക്കേറ്റ ജീവനക്കാരനെ ആശുപത്രിയിൽ പ്രവേശിപ്പിച്ചു.
നിരവധി മയക്കുമരുന്ന് കേസുകളിൽ പ്രതിയായ യുവാവാണ് അക്രമത്തിന് പിന്നിലെന്ന് പോലീസ് അറിയിച്ചു. സംഭവത്തിൽ പള്ളുരുത്തി പോലീസ് കേസെടുത്ത് അന്വേഷണം ആരംഭിച്ചു. തിരക്കേറിയ സമയത്ത് പമ്പിലുണ്ടായ ഈ അതിക്രമം ജീവനക്കാർക്കിടയിൽ വലിയ പ്രതിഷേധത്തിന് കാരണമായിട്ടുണ്ട്.
Story Summary: A petrol pump employee in Palluruthy, Kochi, was brutally assaulted by a repeat drug offender over a delay in dispensing fuel. Despite attempts by other staff to intervene, the accused repeatedly struck the worker’s face, leading to police action and a probe into the incident.
