കണ്ണൂർ : കണ്ണൂരിൽ നവവധുവിനെ ഭർതൃവീട്ടിലെ കിടപ്പുമുറിയിൽ ജീവനൊടുക്കിയ നിലയിൽ കണ്ടെത്തി (newlywed woman dead). കരിമ്പം സ്വദേശിയായ ആകാശ് മോഹന്റെ ഭാര്യയും നൃത്താധ്യാപികയുമായ സാന്ദ്രതാര (22) ആണ് മരിച്ചത്. രമേശൻ-താര ദമ്പതികളുടെ മകളാണ്.
വ്യാഴാഴ്ച വൈകീട്ട് അഞ്ചരയോടെ ഭർതൃവീട്ടിലെ കിടപ്പുമുറിയിലെ ജനൽ കമ്പിയിൽ സാന്ദ്രതാരയെ തൂങ്ങിമരിച്ച നിലയിൽ കണ്ടെത്തുകയായിരുന്നു. നാല് മാസം മുൻപായിരുന്നു സാന്ദ്രയുടെയും ആകാശിന്റെയും വിവാഹം നടന്നത്. കൊല്ലം സ്വദേശികളായ സാന്ദ്രതാരയുടെ കുടുംബം വർഷങ്ങളായി തളിപ്പറമ്പിലാണ് താമസം. ആദ്യം തളിയിലായിരുന്ന കുടുംബം ഇപ്പോൾ ബാവുപ്പറമ്പിലാണ് താമസിക്കുന്നത്.
സംഭവത്തിൽ തളിപ്പറമ്പ് പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി അസ്വാഭാവിക മരണത്തിന് കേസെടുത്തു. മരണത്തിലേക്ക് നയിച്ച കാരണങ്ങളെക്കുറിച്ച് പോലീസ് വിശദമായ അന്വേഷണം ആരംഭിച്ചിട്ടുണ്ട്. മൃതദേഹം പോസ്റ്റ്മോർട്ടം നടപടികൾക്കായി പരിയാരത്തെ കണ്ണൂർ ഗവ. മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.
Story Summary: A 22-year-old newlywed dance teacher, Sandrathara, was found dead inside her husband’s house in Kannur. The Thaliparamba police have registered a case of unnatural death and initiated a detailed investigation.
