ഇന്ത്യൻ പ്രീമിയം എസ്യുവി (SUV) വിപണിയിൽ വിപ്ലവകരമായ മാറ്റങ്ങൾ ലക്ഷ്യമിട്ട് പ്രമുഖ ആഗോള വാഹന നിർമ്മാതാക്കളായ സ്കോഡ ഓട്ടോ ഇന്ത്യ (Skoda Auto India) തങ്ങളുടെ ഏറ്റവും പുതിയ ഫ്ലാഗ്ഷിപ്പ് മോഡലായ ‘കൊഡിയാക് ആർഎസ്’ (Kodiaq RS) അവതരിപ്പിച്ചു. സ്കോഡയുടെ 50 വർഷത്തിലേറെയായുള്ള ആർഎസ് (Rally Sports) പാരമ്പര്യവും 125 വർഷത്തിലധികമുള്ള ആഗോള മോട്ടോർസ്പോർട് പൈതൃകവും ഒത്തുചേരുന്നതാണ് പുതിയ കൊഡിയാക് ആർഎസ് എസ്യുവി. വിപണി ഏറെ കാത്തിരിക്കുന്ന ഈ കരുത്തൻ എസ്യുവിനായുള്ള ഔദ്യോഗിക ബുക്കിംഗ് 2026 ജൂൺ 22 മുതൽ ആരംഭിക്കുമെന്ന് സ്കോഡ ഓട്ടോ ഇന്ത്യ ബ്രാൻഡ് ഡയറക്ടർ ആശിഷ് ഗുപ്ത അറിയിച്ചു. ഏഴ് സീറ്റർ ആഡംബരത്തിന്റെ വൈവിധ്യവും 4×4 സാങ്കേതികവിദ്യ നൽകുന്ന മികച്ച ഓൾ-ടെറൈൻ (All-Terrain) ശേഷിയും ഒത്തിണങ്ങിയതാണ് ഈ പുതിയ വേരിയന്റ്.
കഴിഞ്ഞ വർഷം ഇന്ത്യൻ വിപണിയിൽ പരിമിതമായി പുറത്തിറക്കിയ ഏറ്റവും പുതിയ ഒക്ടാവിയ ആർഎസ് (Octavia RS) സെഡാൻ വെറും 20 മിനിറ്റിനുള്ളിലാണ് രാജ്യത്ത് പൂർണ്ണമായി വിറ്റുതീർന്നതെന്ന് ആശിഷ് ഗുപ്ത ചൂണ്ടിക്കാട്ടി. ആർഎസ് ബാഡ്ജിനോട് ഇന്ത്യൻ കാർ പ്രേമികൾക്കുള്ള ഈ വലിയ താല്പര്യം മുൻനിർത്തിയാണ് ഐക്കണിക് ആർഎസ് ബാഡ്ജുമായെത്തുന്ന ഇന്ത്യയിലെ ആദ്യത്തെ ഏഴ് സീറ്റർ എസ്യുവി കമ്പനി എത്തിക്കുന്നത്. രാജ്യത്ത് ഇതുവരെ ഇറങ്ങിയിട്ടുള്ളതിൽ വെച്ച് ഏറ്റവും വേഗതയേറിയ സ്കോഡ വകഭേദമായിരിക്കും കൊഡിയാക് ആർഎസ്. ഇത് മികച്ച പ്രകടനപ്രാപ്തി, പ്രീമിയം സ്ഥലസൌകര്യം, ഓഫ്-റോഡ് 4×4 ശേഷി എന്നിവയെ സ്കോഡയുടെ റേസിംഗ് ഡിഎൻഎയുടെ സുധീരവും സുവ്യക്തവുമായ രൂപകൽപ്പനയുമായി കൃത്യമായി സംയോജിപ്പിക്കുന്നുവെന്നും അദ്ദേഹം കൂട്ടിച്ചേർത്തു.
റാലി സ്പോർട്ടിന്റെ ചുരുക്കപ്പേരായ ആർഎസ് ബാഡ്ജ്, സ്കോഡ ഓട്ടോയുടെ പെർഫോമൻസ് എഞ്ചിനീയറിങ്ങിനോടുള്ള (Performance Engineering) ആഗോള പ്രതിബദ്ധതയുടെ പ്രതീകമാണ്. ചലനാത്മകശേഷി, കൃത്യത, ആകർഷകമായ ഡ്രൈവിംഗ് അനുഭവം എന്നിവയുടെ പര്യായമാണ് സ്കോഡയുടെ ആർഎസ് മോഡലുകൾ. ഒരു നൂറ്റാണ്ടിലേറെയായി മോട്ടോർസ്പോർട്ട് ബ്രാൻഡിന്റെ അവിഭാജ്യ ഭാഗമാണ്.
അടുത്തിടെ സ്കോഡയുടെ പ്രമുഖ മോഡലുകളായ കൈലാഖ് (Kylaq), കുഷാഖ് (Kushaq), സ്ലാവിയ (Slavia), കൊഡിയാക്, ഒക്ടാവിയ ആർഎസ് എന്നിവ സംയുക്തമായി ‘ഒരു സർക്യൂട്ടിലെ ഏറ്റവും വേഗതയേറിയ മൾട്ടി-കാർ റിലേ’ എന്നതിനുള്ള ഇന്ത്യ-ഏഷ്യ ബുക്ക് ഓഫ് റെക്കോർഡ് (India-Asia Book of Records) സ്വന്തമാക്കിയിരുന്നു. കോയമ്പത്തൂരിലെ പ്രശസ്തമായ CoASTT ട്രാക്കിൽ ഡ്രൈവർമാറ്റ സമയമുൾപ്പെടെ ആകെ 12:30.97 ലാപ്പ് സമയം രേഖപ്പെടുത്തിയാണ് ഈ അഞ്ച് വകഭേദങ്ങളും റെക്കോർഡിട്ടത്. ഇതിന്റെ തുടർച്ചയായി ബ്രാൻഡ് തങ്ങളുടെ പുതിയ ‘ഗ്രേറ്റസ്റ്റ് ഓൺ എ ട്രാക്ക് ഈസ് എ സ്കോഡ ഓൺ എ ട്രാക്ക്’ (G.O.A.T) എന്ന വിപുലമായ വിപണന കാമ്പെയ്നും രാജ്യത്ത് ആരംഭിച്ചിട്ടുണ്ട്.
Story Summary: Skoda Auto India has introduced its latest high-performance SUV, the Kodiaq RS, combining 50 years of Rally Sports (RS) heritage and 4×4 capability. Bookings for India’s first 7-seater RS badge model—and the fastest Skoda variant in the country—will open on June 22, 2026, confirmed Brand Director Ashish Gupta. The announcement follows the historic run at Coimbatore’s CoASTT track, where Skoda models set an India-Asia Book of Record.
