എറണാകുളം: കേന്ദ്ര കാലാവസ്ഥാ വകുപ്പ് രാത്രി 10 മണിക്ക് പുറത്തിറക്കിയ ഏറ്റവും പുതിയ മുന്നറിയിപ്പിന്റെ അടിസ്ഥാനത്തിൽ ജില്ലയിൽ രാത്രി മുഴുവൻ ശക്തമായ മഴയ്ക്കും കാറ്റിനും സാധ്യതയുണ്ടെന്ന് അധികൃതർ അറിയിച്ചു (Heavy rain holiday ernakulam). വിദ്യാർത്ഥികളുടെ സുരക്ഷ മുൻനിർത്തി ജില്ലയിൽ ഇന്ന് (ഓഗസ്റ്റ് 3, തിങ്കളാഴ്ച) എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ ഭരണകൂടം അവധി പ്രഖ്യാപിച്ചു.
പ്രൊഫഷണൽ കോളേജുകൾ ഉൾപ്പെടെ സർക്കാർ, എയ്ഡഡ്, അൺഎയ്ഡഡ് വിദ്യാഭ്യാസ സ്ഥാപനങ്ങൾക്കെല്ലാം അവധി ബാധകമാണ്. കൂടാതെ അങ്കണവാടികൾക്കും ട്യൂഷൻ സെന്ററുകൾക്കും ഈ അവധി ബാധകമാണെന്ന് അധികൃതർ വ്യക്തമാക്കി.
കാലാവസ്ഥാ സാഹചര്യം കണക്കിലെടുത്ത് പൊതുജനങ്ങളും വിദ്യാർത്ഥികളും അതീവ ജാഗ്രത പാലിക്കണമെന്നും അനാവശ്യ യാത്രകൾ ഒഴിവാക്കണമെന്നും ബന്ധപ്പെട്ട അധികൃതർ നിർദേശിച്ചിട്ടുണ്ട്.
Story Summary: Heavy rain and strong wind are expected across the ernakulam district following the latest weather department warning. As a precaution, all educational institutions, including professional colleges, anganwadis, and tuition centres, have been declared closed on August 3.
