തിരുവനന്തപുരം: സംസ്ഥാനത്ത് കനത്ത മഴ തുടരുന്നതിനിടെ കണ്ണൂർ ജില്ലയിലെ വിദ്യാഭ്യാസ സ്ഥാപനങ്ങൾക്കും ഇന്ന് അവധി പ്രഖ്യാപിച്ചു. മുൻപ് എട്ട് ജില്ലകളിൽ അവധി പ്രഖ്യാപിച്ചതിന് പിന്നാലെ, റെഡ് അലർട്ട് പ്രഖ്യാപിച്ച സാഹചര്യത്തിലാണ് കളക്ടറുടെ പുതിയ ഉത്തരവ്.(Kannur Rain Holiday, Kannur Declares School Holiday Following Red Alert)
ഇതോടെ ഇടുക്കി, പത്തനംതിട്ട, വയനാട്, പാലക്കാട്, കോട്ടയം, മലപ്പുറം, ആലപ്പുഴ, കോഴിക്കോട്, കണ്ണൂർ എന്നീ 9 ജില്ലകളിൽ ഇന്ന് അവധി നിലവിലുണ്ട്. പ്രൊഫഷണൽ കോളേജുകൾ, സ്കൂളുകൾ, അങ്കണവാടികൾ, ട്യൂഷൻ സെന്ററുകൾ, ഐ.സി.എസ്.ഇ/സി.ബി.എസ്.ഇ വിദ്യാലയങ്ങൾ, കേന്ദ്രീയ വിദ്യാലയങ്ങൾ, മദ്രസകൾ തുടങ്ങിയ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്.റസിഡൻഷ്യൽ സ്കൂളുകൾക്ക് ഈ അവധി ബാധകമല്ല.
സംസ്ഥാന സഹകരണ യൂണിയൻ ഇന്ന് നടത്താനിരുന്ന എച്ച്ഡിസി ആൻഡ് ബിഎം (HDC & BM) പരീക്ഷകൾ കനത്ത മഴയെ തുടർന്ന് മാറ്റിവെച്ചു. പുതുക്കിയ തീയതി പിന്നീട് അറിയിക്കും. മുൻകൂട്ടി നിശ്ചയിച്ച ഇന്നത്തെ പി.എസ്.സി പരീക്ഷകൾക്കും, സർവകലാശാല/പൊതു പരീക്ഷകൾക്കും അഭിമുഖങ്ങൾക്കും യാതൊരു മാറ്റവുമില്ലാതെ മുൻ നിശ്ചയിച്ച പ്രകാരം തന്നെ നടക്കും.
Story Summary
With IMD issuing an emergency Red Alert for Kannur district due to heavy rains, authorities have declared a holiday for educational institutions today. While state cooperative union HDC & BM exams stand postponed, scheduled PSC and university examinations remain unchanged.
