തിരുവനന്തപുരം: സംസ്ഥാന പോലീസ് ഉന്നതതലത്തിൽ വൻ അഴിച്ചുപണി നടപ്പിലാക്കി സർക്കാർ ഉത്തരവ് പുറത്തിറങ്ങി (Kerala DGP S Sreejith). ജയിൽ വകുപ്പ് മേധാവിയായി സേവനമനുഷ്ഠിച്ചുവരികയായിരുന്ന എസ്. ശ്രീജിത്തിനെ പുതിയ സംസ്ഥാന പോലീസ് മേധാവിയായി (ഡി.ജി.പി) നിയമിച്ചു. ഫയർഫോഴ്സ് പുതിയ മേധാവിയായി ബൽറാം കുമാർ ഉപാധ്യായയും, ബെവ്കോ എം.ഡിയായി യോഗേഷ് ഗുപ്തയും ചുമതലയേറ്റേക്കുമെന്നാണ് വിവരം. ഇവരുടെ നിയമനം സംബന്ധിച്ച ഔദ്യോഗിക ഉത്തരവ് ഉടൻ പ്രതീക്ഷിക്കുന്നു.
എ.ഡി.ജി.പി എം.ആർ. അജിത്കുമാറിന് ലഭിച്ച സസ്പെൻഷനെ തുടർന്നാണ് പട്ടികയിൽ തൊട്ടുപിന്നിലുണ്ടായിരുന്ന എസ്. ശ്രീജിത്തിന് മുൻഗണന ലഭിച്ചത്. ഡി.ജി.പി റാങ്കിലേക്ക് പരിഗണിക്കേണ്ടിയിരുന്ന അജിത്കുമാർ സസ്പെൻഷനിലായതും, ഈ നടപടി സ്റ്റേ ചെയ്യണമെന്ന അദ്ദേഹത്തിന്റെ ആവശ്യം ട്രിബ്യൂണൽ തള്ളിയതും തിരിച്ചടിയാകുകയായിരുന്നു.
അതേസമയം, ഡി.ജി.പി റാങ്കിലുണ്ടായിരുന്ന നിതിൻ അഗർവാൾ വിരമിച്ച ഒഴിവിലേക്കാണ് ബൽറാം കുമാർ ഉപാധ്യായയെ ഫയർഫോഴ്സ് മേധാവിയായി പരിഗണിക്കുന്നത്. എം.ആർ. അജിത്കുമാറിന്റെ സസ്പെൻഷനെ തുടർന്ന് ഒഴിവുവന്ന ബെവ്കോ എം.ഡി പദവിയിലേക്കാണ് യോഗേഷ് ഗുപ്തയുടെ വരവ്.
Story Summary:
In a major reshuffle in the Kerala Police hierarchy, S. Sreejith has been appointed as the new DGP. Balram Kumar Upadhyaya is expected to take over as the Fire Force chief, while Yogesh Gupta is likely to be appointed as the BEVCO MD following MR Ajithkumar’s suspension.
