ഭുവനേശ്വർ: പ്രതിരോധ ഗവേഷണ വികസന കേന്ദ്രം (ഡി.ആർ.ഡി.ഒ) വികസിപ്പിച്ച ദീർഘദൂര ഉപരിതല-ആകാശ മിസൈൽ (LRSAM) ‘കുശ’യുടെ കന്നി പരീക്ഷണം വിജയകരമായി പൂർത്തിയായി. ജൂലൈ 23-ന് ഒഡീഷ തീരത്തുള്ള ഡോ. എ.പി.ജെ. അബ്ദുൾ കലാം ദ്വീപിൽ വെച്ചായിരുന്നു മിസൈൽ പരീക്ഷണം നടന്നത്. അതിവേഗത്തിൽ ഉയർന്ന ഉയരത്തിൽ സഞ്ചരിക്കുന്ന ശത്രു ലക്ഷ്യങ്ങളെ തകർക്കാൻ ശേഷിയുള്ള സാങ്കേതികവിദ്യയാണ് പരീക്ഷണത്തിൽ വിജയകരമായി തടഞ്ഞുനിർത്തിയത്.(DRDO Successfully Tests Kusha Long Range Surface To Air Missile Off Odisha Coast)
ശത്രുക്കളുടെ യുദ്ധവിമാനങ്ങൾ, ബാലിസ്റ്റിക് മിസൈലുകൾ, ഡ്രോണുകൾ, വലിയ വിമാനങ്ങൾ എന്നിവയെ ദീർഘദൂര പരിധിയിൽ വെച്ച് തന്നെ തകർത്തുകളയാൻ ‘കുശ’ മിസൈൽ സംവിധാനത്തിന് ശേഷിയുണ്ട്. മിസൈൽ, റഡാറുകൾ, കമാൻഡ് ആൻഡ് കൺട്രോൾ സെന്റർ തുടങ്ങി ഈ ആയുധ സംവിധാനത്തിന്റെ എല്ലാ ഭാഗങ്ങളും ഡി.ആർ.ഡി.ഒ ലെബോറട്ടറികളും അനുബന്ധ ഇന്ത്യൻ വ്യവസായ പങ്കാളികളും ചേർന്നാണ് പൂർണ്ണമായും തദ്ദേശീയമായി വികസിപ്പിച്ചത്.
‘കുശ’യുടെ വിജയകരമായ പരീക്ഷണം ഇന്ത്യൻ പ്രതിരോധ ഗവേഷണ രംഗത്തെ നിർണായക നാഴികക്കല്ലാണെന്ന് കേന്ദ്ര പ്രതിരോധ മന്ത്രി രാജ്നാഥ് സിങ് പറഞ്ഞു. ലോകത്തിലെ ചുരുക്കം ചില രാജ്യങ്ങൾക്ക് മാത്രം സ്വന്തമായുള്ള സാങ്കേതികവിദ്യ കൈവരിച്ചതിലൂടെ ഇത്തരം ആകാശ പ്രതിരോധ സംവിധാനങ്ങൾക്കായി വിദേശ രാജ്യങ്ങളെ ആശ്രയിക്കുന്നത് ഒഴിവാക്കാൻ ഇന്ത്യയ്ക്ക് സാധിക്കുമെന്നും അദ്ദേഹം കൂട്ടിച്ചേർത്തു. ഡി.ആർ.ഡി.ഒ ചെയർമാൻ രാജേഷ് കുമാർ സിങും ബന്ധപ്പെട്ട സംഘത്തെ അഭിനന്ദിച്ചു.
Story Summary
DRDO successfully conducted the maiden flight-test of the ‘Kusha’ Long-Range Surface-to-Air Missile (LRSAM) from APJ Abdul Kalam Island off the coast of Odisha. Capable of neutralizing high-speed aerial threats like fighter jets, missiles, and drones, the indigenous missile system marks a major milestone in strengthening India’s air defense capabilities and reducing import dependence.
