ന്യൂഡൽഹി: രാജ്യത്ത് വിദ്യാർത്ഥി പ്രക്ഷോഭങ്ങൾ ശക്തമാകുന്നതിനിടയിൽ പരീക്ഷാ പേപ്പർ ചോർച്ച വിഷയത്തിൽ ആദ്യമായി പ്രതികരിച്ച് പ്രധാനമന്ത്രി നരേന്ദ്ര മോദി. പരീക്ഷാ പേപ്പർ ചോർച്ചയുമായി ബന്ധപ്പെട്ട കേസുകൾ വേഗത്തിൽ തീർപ്പാക്കുന്നതിനും കുറ്റക്കാർക്ക് കടുത്ത ശിക്ഷ ഉറപ്പാക്കുന്നതിനുമായി രാജ്യത്ത് ഫാസ്റ്റ് ട്രാക്ക് കോടതികൾ സ്ഥാപിക്കുമെന്ന് പ്രധാനമന്ത്രി വ്യക്തമാക്കി (PM Modi On Paper Leaks Fast Track Courts). യുവാക്കളുടെ ഭാവിയും ക്ഷേത്രവുമേക്കാൾ വലുതായി ഒന്നുമില്ലെന്നും, കുറ്റവാളികളെ വെറുതെവിടില്ലെന്നും അദ്ദേഹം എക്സിൽ കുറിച്ചു.
എന്നാൽ പ്രധാനമന്ത്രിയുടെ പ്രഖ്യാപനത്തിന് പിന്നാലെ പ്രതിപക്ഷ നേതാവ് രാഹുൽ ഗാന്ധിയും കോക്രോച്ച് ജനതാ പാർട്ടിയും ശക്തമായ പ്രതികരണവുമായി രംഗത്തെത്തി. വിദ്യാഭ്യാസ സമ്പ്രദായത്തെ തകർത്തത് പ്രധാനമന്ത്രിയാണെന്ന് കുറ്റപ്പെടുത്തിയ രാഹുൽ ഗാന്ധി, വിദ്യാഭ്യാസ മന്ത്രി ധർമ്മേന്ദ്ര പ്രധാനെ പുറത്താക്കുക, വിദ്യാർത്ഥികളോട് മാപ്പ് പറയുക, മർദ്ദിച്ചവർക്കെതിരെ നടപടി എടുക്കുക എന്നീ ആവശ്യങ്ങൾ ആവർത്തിച്ചു. കൂടാതെ ധർമ്മേന്ദ്ര പ്രധാനിന്റെ രാജി ആവശ്യപ്പെട്ട് സി.ജെ.പിയും രംഗത്തെത്തിയിട്ടുണ്ട്. പേപ്പർ ചോർച്ച വലിയൊരു ‘ഘോർ പാപ’മാണെന്ന് വിശേഷിപ്പിച്ച പ്രധാനമന്ത്രിയുടെ പ്രഖ്യാപനം വലിയ രാഷ്ട്രീയ ചർച്ചകൾക്കാണ് വഴിവെച്ചിരിക്കുന്നത്.
Summary: Prime Minister Narendra Modi announced the establishment of fast-track courts to ensure swift punishment for paper leak offenders amid raging student protests, while opposition leader Rahul Gandhi and the CJP hit back by demanding Education Minister Dharmendra Pradhan’s resignation.
