മുംബൈ: നീറ്റ് പരീക്ഷാ ചോർച്ചയ്ക്കെതിരെ ഡൽഹി ജന്തർമന്തറിൽ നടത്തുന്ന വിദ്യാർത്ഥി പ്രക്ഷോഭത്തിന് പിന്തുണ പ്രഖ്യാപിച്ച് പ്രമുഖ ബോളിവുഡ് താരം സൽമാൻ ഖാൻ. വിദ്യാർത്ഥികൾ സമാധാനപരമായി നടത്തുന്ന ഈ പോരാട്ടം തികച്ചും സ്വാഗതാർഹമാണെന്ന് സോഷ്യൽ മീഡിയയിൽ പങ്കുവെച്ച ദീർഘമായ കുറിപ്പിലൂടെ താരം വ്യക്തമാക്കി. എന്നാൽ വിദ്യാർത്ഥികളുടെ ന്യായമായ ഈ പ്രക്ഷോഭത്തെ രാഷ്ട്രീയ പാർട്ടികൾ സ്വന്തം നേട്ടങ്ങൾക്കായി ഉപയോഗിക്കരുതെന്നും അദ്ദേഹം അഭ്യർത്ഥിച്ചു.(Salman Khan Supports Delhi NEET Paper Leak Student Protests)
ജൂലൈ 20-ന് നടന്ന ‘ചലോ സംസദ്’ മാർച്ചിനിടെ പൊലീസും വിദ്യാർത്ഥികളും തമ്മിലുണ്ടായ ഏറ്റുമുട്ടലിലും അക്രമ സംഭവങ്ങളിലും സൽമാൻ ഖാൻ ആശങ്കയും സങ്കടവും രേഖപ്പെടുത്തി. പരിക്കേറ്റ വിദ്യാർത്ഥികളോടും അവരുടെ കുടുംബങ്ങളോടും അദ്ദേഹം അനുശോചനവും ഐക്യദാർഢ്യവും അറിയിച്ചു. “ചോദ്യപേപ്പർ ചോർച്ച എന്നത് വളരെ ഗൗരവമുള്ളൊരു വിഷയമാണ്. ഒരു മെച്ചപ്പെട്ട വിദ്യാഭ്യാസ സമ്പ്രദായത്തിനായി വിദ്യാർത്ഥികൾ ഒന്നിച്ചുനിൽക്കുന്നത് രാജ്യത്തിന് തന്നെ അഭിമാനകരമാണ്,” എന്ന് അദ്ദേഹം കുറിച്ചു.
കേന്ദ്രസർക്കാർ വിദ്യാർത്ഥികളുടെ ആവശ്യങ്ങൾ പരിഗണിക്കുമെന്ന പ്രതീക്ഷ പങ്കുവെച്ച താരം, ഭാവിയിൽ ഇന്ത്യ ആഗോള വിദ്യാഭ്യാസ കേന്ദ്രമായി മാറട്ടെയെന്നും ആശംസിച്ചു. നീറ്റ് പരീക്ഷാ ചോർച്ചയ്ക്കെതിരെ കോക്റോച്ച് ജനതാ പാർട്ടി (CJP) നടത്തുന്ന പ്രക്ഷോഭത്തിന് സിനിമാ രംഗത്തുനിന്ന് പിന്തുണയേറുകയാണ്.
Story Summary
Bollywood actor Salman Khan expressed solidarity with students protesting against paper leaks at Delhi’s Jantar Mantar. Calling paper leaks a serious issue, he praised the students’ fight for systemic reforms while urging political parties not to politicize the movement.
