വാഷിംഗ്ടൺ: വിദേശത്ത് നിന്നുള്ള ജനറിക് മരുന്നുകളുടെ ഇറക്കുമതിക്ക് ഭാവിയിൽ വൻ നികുതി ഏർപ്പെടുത്തുമെന്ന പ്രഖ്യാപനവുമായി അമേരിക്കൻ പ്രസിഡന്റ് ഡൊണാൾഡ് ട്രംപ്. 2028 ഓഗസ്റ്റ് മുതൽ ഘട്ടംഘട്ടമായി നികുതി വർദ്ധിപ്പിച്ച് അമേരിക്കയ്ക്കുള്ളിൽത്തന്നെ മരുന്ന് ഉത്പാദനം പ്രോത്സാഹിപ്പിക്കുകയാണ് ഈ നീക്കത്തിന്റെ പ്രധാന ലക്ഷ്യമെന്ന് ട്രംപ് വ്യക്തമാക്കി.(Donald Trump announces steep tariffs on generic drug imports starting 2028 impact on India pharma sector)
ലോകത്തിൽ ജനറിക് മരുന്നുകളുടെ ഏറ്റവും വലിയ കയറ്റുമതിക്കാരായ ഇന്ത്യയെ ഈ തീരുമാനം പ്രതികൂലമായി ബാധിക്കാൻ സാധ്യതയുണ്ട്. തന്റെ സോഷ്യൽ മീഡിയ പ്ലാറ്റ്ഫോമായ ‘ട്രൂത്ത് സോഷ്യൽ’ വഴിയാണ് ട്രംപ് പുതിയ താരിഫ് നയം വ്യക്തമാക്കിയത്. ഇതനുസരിച്ച് 2026 ഓഗസ്റ്റ് 1 മുതൽ ആദ്യത്തെ രണ്ട് വർഷത്തേക്ക് ജനറിക് മരുന്നുകൾക്ക് പൂജ്യം ശതമാനം (0%) തന്നെയായിരിക്കും ഇറക്കുമതി നികുതി. എന്നാൽ മൂന്നാം വർഷത്തിൽ ഇത് 100 ശതമാനമായും, അതിനുശേഷം 200 ശതമാനമായും ഉയർത്തുമെന്നാണ് ട്രംപിന്റെ മുന്നറിയിപ്പ്.
കമ്പനികൾക്ക് അമേരിക്കയിൽ ഉത്പാദന കേന്ദ്രങ്ങൾ സ്ഥാപിക്കാനുള്ള സമയമാണ് ഈ രണ്ട് വർഷത്തെ ഇളവിലൂടെ നൽകുന്നതെന്നും, അമേരിക്കയിൽ പ്ലാന്റുകൾ നിർമ്മിക്കാത്ത കമ്പനികൾക്ക് ഇതൊരു പിഴയായിരിക്കുമെന്നും ട്രംപ് കൂട്ടിച്ചേർത്തു. അമേരിക്കയിൽ ഉപയോഗിക്കുന്ന ജനറിക് മരുന്നുകളുടെ 40 ശതമാനത്തോളം വിതരണം ചെയ്യുന്നത് ഇന്ത്യൻ കമ്പനികളാണ്. രക്തസമ്മർദ്ദം, പ്രമേഹം, അർബുദം, വിഷാദരോഗം, ഗർഭനിരോധന ഗുളികകൾ തുടങ്ങിയവയ്ക്കുള്ള പ്രധാന മരുന്നുകളെല്ലാം ഇന്ത്യയിൽ നിന്നാണ് യു.എസ് ഇറക്കുമതി ചെയ്യുന്നത്. അമേരിക്കൻ തീരുമാനത്തിനെതിരെ ഇന്ത്യൻ ഔഷധ മേഖലയിൽ വലിയ ആശങ്ക ഉയർന്നുവന്നിട്ടുണ്ട്.
Story Summary
US President Donald Trump announced a phased tariff plan on imported generic drugs to encourage domestic manufacturing, with a 0% tariff for two years starting August 2026, followed by a 100% duty in the third year and 200% thereafter. The move poses a major threat to India, which is the largest supplier of generic medicines to the US market.
