കൊതുകുശല്യത്തിന് പരിഹാരമായി അത്യാധുനിക സാങ്കേതികവിദ്യയുമായി ടോർണിയോൾ എന്ന യുഎസ് സ്റ്റാർട്ടപ്പ് രംഗത്ത്. രാസവസ്തുക്കൾ ഉപയോഗിക്കാതെ, വായുവിൽ വെച്ച് തന്നെ കൊതുകുകളെ കണ്ടെത്തി വേട്ടയാടി നശിപ്പിക്കാൻ ശേഷിയുള്ള സൂക്ഷ്മ ഡ്രോണുകളാണ് ഇവർ വികസിപ്പിക്കുന്നത് (Mosquito Killing Drone). ഈ പ്രോജക്റ്റിന്റെ ഭാഗമായി നടത്തിയ പരീക്ഷണത്തിൽ ഡ്രോൺ ഒരു നിശാശലഭത്തിനെ വിജയകരമായി വായുവിൽ വെച്ച് തകർത്തു.
വെറും 40 ഗ്രാം ഭാരമുള്ള ഈ ഡ്രോണുകളിൽ സ്മാർട്ട്ഫോൺ മൈക്രോഫോണുകളും അൾട്രാസോണിക് സെൻസറുകളും ഘടിപ്പിച്ചിട്ടുണ്ട്. പ്രാണികളുടെ ചിറകടിയുടെ ശബ്ദത്തിൽ നിന്ന് അവയുടെ ഇനം തിരിച്ചറിയാനും, ഡോപ്ലർ സിഗ്നേച്ചർ വഴി കൊതുകുകളെ മാത്രം കൃത്യമായി ലക്ഷ്യം വെക്കാനും ഈ സാങ്കേതികവിദ്യ സഹായിക്കും. പത്ത് ഡ്രോണുകൾക്ക് ഒരു ചതുരശ്ര കിലോമീറ്റർ പരിധിയിൽ കൊതുകുകളെ നിയന്ത്രിക്കാൻ സാധിക്കുമെന്നാണ് കമ്പനിയുടെ അവകാശവാദം.
Extremely excited to announce our first air-to-air kill of a flying moth by an autonomous micro-drone. This is a big step towards completely eradicating mosquitoes. pic.twitter.com/UhtNqwXCQI
— Alex Toussaint (@alextoussss) July 14, 2026
നിലവിൽ ലാബിൽ പരീക്ഷണങ്ങൾ വിജയിച്ചെങ്കിലും, യഥാർത്ഥ സാഹചര്യങ്ങളിൽ ഈ ഡ്രോണുകൾ എത്രത്തോളം ഫലപ്രദമാകുമെന്ന് വരും ദിവസങ്ങളിൽ തെളിയിക്കേണ്ടതുണ്ട്. കൊതുകുജന്യ രോഗങ്ങൾ കുറയ്ക്കുന്നതിലൂടെ ആരോഗ്യമേഖലയിൽ വലിയൊരു മാറ്റമുണ്ടാക്കാൻ ഈ പുതിയ മാർഗ്ഗത്തിന് സാധിക്കുമെന്നാണ് നിർമ്മാതാക്കളുടെ പ്രതീക്ഷ. വരും ആഴ്ചകളിൽ തന്നെ പൂർണ്ണമായ ഹാർഡ്വെയർ സംവിധാനങ്ങളോടെ ഈ ഡ്രോണുകൾ പ്രവർത്തനസജ്ജമാക്കാനാണ് കമ്പനിയുടെ ശ്രമം.
Summary: Engineers at the US startup Tornyol have successfully demonstrated an autonomous micro-drone capable of mid-air interception of insects, a significant milestone in their goal to eradicate disease-carrying mosquitoes. Using ultrasonic sensors, AI software, and Doppler signatures to identify and track insects, these 40-gram drones aim to provide a chemical-free, scalable solution for urban mosquito control.
