മാർവൽ കോമിക്സ് ഹീറോ അയൺ മാനിനെ ആദ്യമായി വായനക്കാർക്ക് പരിചയപ്പെടുത്തിയ കോമിക് പുസ്തകത്തിലെ ചിത്രീകരണത്തിന് റെക്കോർഡ് ലേലത്തുക. 1963 മാർച്ച് മാസത്തിൽ പുറത്തിറങ്ങിയ ‘ടേൽസ് ഓഫ് സസ്പെൻസ്’ നമ്പർ 39-ലെ ഡോൺ ഹെക്ക് വരച്ച ചിത്രമാണ് 3,875,000 ഡോളറിന് (ഏകദേശം 3.2 കോടി രൂപയിലധികം) ലേലത്തിൽ വിറ്റുപോയത്. ഹെറിറ്റേജ് ലേല സ്ഥാപനമാണ് ഈ ചരിത്രപരമായ ലേലത്തിന് നേതൃത്വം നൽകിയത്. (Iron Man First Appearance)
ഏകദേശം 3 ദശലക്ഷം ഡോളർ കടന്ന ശേഷവും ആറുപേർ ലേലത്തിൽ പങ്കെടുത്തതാണ് ചിത്രത്തിന്റെ വില ഇത്രയും ഉയരാൻ കാരണമായതെന്ന് ഹെറിറ്റേജ് ലേലത്തിന്റെ ന്യൂയോർക്ക് ഡയറക്ടർ ജോ മന്നരിനോ പറഞ്ഞു. നേരത്തെ 2022 ജനുവരിയിൽ മൈക്ക് സെക്കിന്റെ സ്പൈഡർമാൻ ബ്ലാക്ക് കോസ്റ്റ്യൂം ചിത്രീകരിക്കുന്ന ആർട്ട് വർക്ക് 3,360,000 ഡോളറിന് വിറ്റതായിരുന്നു പഴയ റെക്കോർഡ്. ആ റെക്കോർഡാണ് ഇപ്പോൾ അയൺ മാൻ ചിത്രം തകർത്തിരിക്കുന്നത്.
Summary: The original artwork featuring the first appearance of Marvel’s Iron Man from Tales of Suspense No. 39 has sold at auction for a record-breaking $3,875,000. This sale establishes a new world record for the highest price ever paid for an original piece of comic book art, surpassing the previous record set by a Spider-Man costume illustration.
