ഫിഫ ലോകകപ്പ് 2026-ൽ യുഎസ് താരം ഫോളാരിൻ ബലോഗുന്റെ റെഡ് കാർഡ് വിലക്ക് നീക്കിയത് വലിയ വിവാദങ്ങൾക്ക് തിരികൊളുത്തുന്നു. ബോസ്നിയ ആൻഡ് ഹെർസഗോവിനയ്ക്കെതിരായ മത്സരത്തിൽ റെഡ് കാർഡ് ലഭിച്ച ബലോഗുവിന് ബെൽജിയത്തിനെതിരായ റൗണ്ട് ഓഫ് 16 മത്സരത്തിൽ വിലക്കുണ്ടായിരുന്നു. എന്നാൽ യുഎസ് പ്രസിഡന്റ് ഡൊണാൾഡ് ട്രംപ് ഫിഫ പ്രസിഡന്റ് ജിയാനി ഇൻഫാന്റിനോയെ നേരിട്ട് ഫോൺ ചെയ്തതിന് പിന്നാലെ, ബലോഗുവിന്റെ ഒരു മത്സരത്തിലെ വിലക്ക് ഫിഫ 12 മാസത്തേക്ക് സസ്പെൻഡ് ചെയ്യുകയായിരുന്നു. (Folarin Balogun Red Card Controversy)
ഫിഫയുടെ 18 അംഗ അച്ചടക്ക സമിതിയുടെ സാധാരണ നടപടിക്രമങ്ങൾ കാറ്റിൽ പറത്തിയാണ് ഈ തീരുമാനം എടുത്തതെന്ന റിപ്പോർട്ടുകൾ ഇപ്പോൾ പുറത്തുവരുന്നത്. 18 അംഗ സമിതിയിൽ ചെയർമാൻ മുഹമ്മദ് അൽ-കമാലി മാത്രമാണ് ബലോഗുവിന്റെ വിലക്ക് നീക്കാൻ തീരുമാനിച്ചത്. മറ്റ് 17 അംഗങ്ങളുമായി ഈ വിഷയത്തിൽ ഒരുതരത്തിലുള്ള കൂടിയാലോചനയും നടത്തിയിട്ടില്ല. സാധാരണയായി ഇത്തരം കേസുകളിൽ ഒരു പാനൽ കൂടിയാണ് തീരുമാനം എടുക്കാറുള്ളത്. നിർണ്ണായകമായ കേസുകളിൽ മൂന്നംഗ പാനലിന്റെ വിധി അനിവാര്യമാണ്. എന്നാൽ ഉന്നതതലത്തിൽ രാഷ്ട്രീയ ഇടപെടൽ ഉണ്ടായപ്പോൾ നിയമങ്ങളെല്ലാം മറികടന്ന് ചെയർമാൻ ഏകപക്ഷീയമായി തീരുമാനം പ്രഖ്യാപിക്കുകയായിരുന്നു.
ഈ ലോകകപ്പിൽ റെഡ് കാർഡ് ലഭിച്ച മറ്റ് 13 താരങ്ങളിൽ ഒരാൾക്ക് പോലും ഇത്തരമൊരു ഇളവ് ലഭിച്ചിട്ടില്ല. ബാക്കിയുള്ള എല്ലാ താരങ്ങളും അവരുടെ വിലക്ക് അതത് മത്സരങ്ങളിൽ അനുഭവിച്ചിട്ടുണ്ട്. മറ്റ് ടീമുകളെ തഴഞ്ഞ് യുഎസ് താരത്തിന് മാത്രം ലഭിച്ച ഈ പ്രത്യേക പരിഗണന ഫുട്ബോൾ ലോകത്ത് വ്യാപകമായ പ്രതിഷേധത്തിനിടയാക്കിയിട്ടുണ്ട്. ബലോഗുവിന്റെ വിലക്ക് നീക്കിയത് നിയമപരമായ നടപടിയല്ലെന്നും മറിച്ച് രാഷ്ട്രീയ സമ്മർദ്ദത്തിന്റെ ഫലമാണെന്നുമാണ് ഉയരുന്ന വിമർശനം.
Summary: FIFA is facing heavy criticism after disciplinary committee chairman Mohammad Al-Kamali unilaterally suspended US striker Folarin Balogun’s one-match ban, bypassing standard committee procedures following a direct intervention from US President Donald Trump. While 13 other players received red cards in the tournament without receiving any such reprieve, Balogun’s suspension was suspended for 12 months, sparking accusations of political favoritism in the World Cup.
