കൊച്ചി: വയനാട് കള്ളാടി മണ്ണിടിച്ചിൽ ദുരന്തവുമായി ബന്ധപ്പെട്ട് സംസ്ഥാന സർക്കാർ കേരള ഹൈക്കോടതിയിൽ വസ്തുതാന്വേഷണ റിപ്പോർട്ട് സമർപ്പിച്ചു. സർക്കാരിന്റെ കൃത്യമായ ഇടപെടലുകളാണ് ദുരന്തത്തിന്റെ വ്യാപ്തിയും മരണനിരക്കും കുറച്ചതെന്ന് അവകാശപ്പെടുന്ന റിപ്പോർട്ടിൽ, കരാർ കമ്പനിയുടെ ഭാഗത്തുനിന്നുണ്ടായ ഗുരുതര വീഴ്ചകളെ പൂർണ്ണമായും പഴിചാരുന്നുണ്ട്. സംഭവത്തിൽ രണ്ട് സ്വതന്ത്ര അന്വേഷണങ്ങൾ പ്രഖ്യാപിച്ചതായും സർക്കാർ കോടതിയെ അറിയിച്ചു.(Wayanad Kalladi Landslide Disaster Kerala Government Submits Fact Finding Report To High Court)
ദുരന്തനിവാരണ സെക്രട്ടറിയും പരിസ്ഥിതി സെക്രട്ടറിയുമാണ് ഈ അന്വേഷണങ്ങൾക്ക് നേതൃത്വം നൽകുക. കാലവർഷം കണക്കിലെടുത്ത് ജൂൺ അഞ്ചിന് തന്നെ തുരങ്കപാതയുടെ നിർമ്മാണ ജോലികൾ നിർത്തിവെക്കാൻ കരാറുകാർക്ക് മുന്നറിയിപ്പ് നൽകിയിരുന്നതായി സർക്കാർ റിപ്പോർട്ടിൽ പറയുന്നു. സുരക്ഷ ഉറപ്പാക്കുന്നതിനായി കരാറുകാരുടെ പ്രത്യേക യോഗവും വിളിച്ചുചേർത്തിരുന്നു.
തുരങ്ക നിർമ്മാണത്തിന്റെ ഭാഗമായി കുഴിച്ചെടുത്ത മണ്ണ് അടിയന്തരമായി അവിടെനിന്ന് നീക്കം ചെയ്യാൻ കരാർ കമ്പനിയോടും കൊങ്കൺ റെയിൽവേ ഡെപ്യൂട്ടി ചീഫ് എഞ്ചിനീയറോടും ആവർത്തിച്ച് നിർദ്ദേശിച്ചിരുന്നതാണ്. എന്നാൽ ഇത് പാലിക്കുന്നതിൽ കരാറുകാർക്ക് വീഴ്ചയുണ്ടായെന്നാണ് സർക്കാർ നിലപാട്. സർക്കാരിന്റെ സമയോചിതമായ ഇത്തരം മുന്നറിയിപ്പുകളാണ് ദുരന്തത്തിന്റെ ആഘാതം കുറച്ചതെന്നും റിപ്പോർട്ടിൽ വ്യക്തമാക്കുന്നു.
ദുരന്തത്തെക്കുറിച്ച് പ്രഖ്യാപിച്ച ഇരട്ട അന്വേഷണത്തിൽ ആദ്യത്തേത് പ്രൊജക്റ്റുമായി ബന്ധപ്പെട്ട സാങ്കേതികവും നിയമപരവുമായ അനുമതികളെക്കുറിച്ചായിരിക്കും പരിശോധിക്കുക. രണ്ടാമത്തെ അന്വേഷണത്തിൽ നിർമ്മാണത്തിന് ആവശ്യമായ പരിസ്ഥിതി അനുമതികൾ കൃത്യമായി നേടിയിട്ടുണ്ടോ എന്ന കാര്യമായിരിക്കും പരിസ്ഥിതി സെക്രട്ടറി പരിശോധിക്കുക.
Story Summary
The Kerala government submitted a fact-finding report to the High Court on the Kalladi landslide disaster, blaming the contractors for negligence despite receiving repeated warnings and a directive to halt work on June 5. The government announced two independent probes led by the Disaster Management Secretary and Environment Secretary to investigate technical compliance and environmental clearances. The report emphasized that timely government interventions significantly minimized the casualties and scale of the tragedy.
