കൊച്ചി: കശുവണ്ടി വികസന കോർപ്പറേഷൻ അഴിമതിക്കേസുമായി ബന്ധപ്പെട്ട പ്രോസിക്യൂഷൻ അനുമതി ഉത്തരവ് തയ്യാറാക്കിയതിൽ തനിക്ക് യാതൊരുവിധ പങ്കുമില്ലെന്നും തന്റെ കൈകൾ തികച്ചും ശുദ്ധമാണെന്നും ആർ. ചന്ദ്രശേഖരൻ. കോടതിക്ക് നിരീക്ഷണങ്ങൾ നടത്താമെന്നും, പരസ്യമായി ചോദ്യം ചെയ്യാൻ താനില്ലെന്നും അദ്ദേഹം മാധ്യമങ്ങളോട് പ്രതികരിച്ചു.(R Chandrasekharan Denies Involvement In Cashew Scam Prosecution Order)
നിലവിൽ കോടതിയുടെ പരിഗണനയിലുള്ള കോടതിയലക്ഷ്യ കേസിൽ താൻ ഒരു കക്ഷിയല്ലെന്നും അദ്ദേഹം വ്യക്തമാക്കി. പ്രോസിക്യൂഷൻ അനുമതി നൽകിയ നടപടിക്കെതിരെ കൂടുതൽ നിയമനടപടികളിലേക്ക് കടക്കണമോ എന്ന കാര്യത്തിൽ നിയമവിദഗ്ധരുമായി ആലോചിച്ച് മാത്രമേ അന്തിമ തീരുമാനമെടുക്കൂ എന്നും അദ്ദേഹം കൂട്ടിച്ചേർത്തു.
കൊറോ ഹെൽത്ത് കമ്പനിയിലെ ജീവനക്കാരെ കൂട്ടത്തോടെ പിരിച്ചുവിട്ട മാനേജ്മെന്റ് നടപടിക്കെതിരെ ശക്തമായ പ്രതിഷേധ പരിപാടികളുമായി മുന്നോട്ട് പോകാൻ ഐ.എൻ.ടി.യു.സി തീരുമാനിച്ചതായി ആർ. ചന്ദ്രശേഖരൻ അറിയിച്ചു. ഈ വിഷയത്തിൽ അന്താരാഷ്ട്ര ട്രേഡ് യൂണിയൻ സംഘടനകൾ വഴിയുള്ള ഇടപെടലുകൾ നടത്തുന്നത് ആലോചിക്കും.
Story Summary
INTUC State President R. Chandrasekharan clarified that he had no role in drafting the prosecution sanction order in the Cashew Development Corporation graft case, maintaining his innocence. He also announced that INTUC is planning global trade union interventions and intense protests against Corro Health management for illegally terminating its employees.
