മലയാളികളുടെ പ്രിയങ്കരിയായ നടി മമിത ബൈജു സോഷ്യൽ മീഡിയയിൽ നിന്ന് താൽക്കാലികമായി വിട്ടുനിൽക്കുന്നു. ഇൻസ്റ്റഗ്രാമിലൂടെയാണ് താരം താൻ ഒരു ചെറിയ ഇടവേള എടുക്കുകയാണെന്ന വിവരം ആരാധകരെ അറിയിച്ചത് (Mamitha Baiju Social Media Break). താനുമായി ബന്ധപ്പെട്ട സിനിമാപരമായ അപ്ഡേറ്റുകൾ തന്റെ സോഷ്യൽ മീഡിയ ടീം യഥാസമയം അറിയിക്കുമെന്നും താരം വ്യക്തമാക്കിയിട്ടുണ്ട്. മമിതയുടെ അപ്രതീക്ഷിത പിന്മാറ്റത്തിന് പിന്നിലെ കാരണം തേടുകയാണ് ഇപ്പോൾ ആരാധകർ.
നിലവിൽ തെന്നിന്ത്യൻ സിനിമകളിൽ അടക്കം നിരവധി പ്രോജക്റ്റുകളുടെ തിരക്കിലാണ് മമിത ബൈജു. വെങ്കി അറ്റ്ലൂരി സംവിധാനം ചെയ്യുന്ന ‘വിശ്വനാഥ് ആൻഡ് സൺസ്’, നിവിൻ പോളി ചിത്രം ‘ബത്ലഹേം’, പ്രദീപ് രംഗനാഥന്റെ പുതിയ ചിത്രം തുടങ്ങി കൈനിറയെ അവസരങ്ങളാണ് താരത്തിന് ഉള്ളത്. ധനുഷ് നായകനായെത്തിയ ‘രായൻ’ ആണ് മമിതയുടേതായി ഏറ്റവും ഒടുവിൽ തിയേറ്ററുകളിൽ എത്തിയത്. വെങ്കി അറ്റ്ലൂരി ചിത്രത്തിലെ സൂര്യയും മമിതയും ഒന്നിച്ചുള്ള ഗാനം ഇതിനകം തന്നെ പ്രേക്ഷകശ്രദ്ധ നേടിയിട്ടുണ്ട്. വരാനിരിക്കുന്ന ചിത്രങ്ങളുടെ ചിത്രീകരണത്തിരക്കും പ്രൊമോഷൻ ജോലികളുമാകാം സോഷ്യൽ മീഡിയയിൽ നിന്നുള്ള പിന്മാറ്റത്തിന് കാരണമെന്നാണ് സിനിമാ ലോകത്തെ സംസാരം.
Summary: Popular actress Mamitha Baiju has announced a temporary break from social media, informing fans that all updates regarding her film projects will be handled by her team in the interim. Currently busy with several high-profile projects across different languages, including ‘Vishwanath & Sons’ and Nivin Pauly’s ‘Bethlehem’, the actress is likely focusing on her upcoming cinematic commitments.
