തിരുവനന്തപുരം: തിരുവനന്തപുരം കോർപ്പറേഷനിൽ കടുത്ത ഭരണസ്തംഭനമാണെന്ന് വി. ശിവൻകുട്ടി ആരോപിച്ചു. മേയറുടെ ധിക്കാരപരമായ സമീപനമാണ് നഗരസഭയിലെ പ്രതിസന്ധിക്ക് കാരണമെന്നും അദ്ദേഹം പറഞ്ഞു. മാലിന്യ സംസ്കരണത്തിലെ പാളിച്ച മൂലം നഗരം ചീഞ്ഞുനാറുന്ന അവസ്ഥയിലാണെന്നും, തെരുവ് നായ്ക്കളുടെ ശല്യം കാരണം ജനങ്ങൾ പൊറുതിമുട്ടിയിരിക്കുകയാണെന്നും അദ്ദേഹം കൂട്ടിച്ചേർത്തു.(V Sivankutty Alleges Administrative Paralysis In Thiruvananthapuram Corporation)
കോർപ്പറേഷനിൽ കൊണ്ടുവന്ന അവിശ്വാസ പ്രമേയത്തിന് എൽ.ഡി.എഫ് പിന്തുണ നൽകാതിരുന്നത് യു.ഡി.എഫിന്റെ വീഴ്ചയാണെന്ന് ശിവൻകുട്ടി തുറന്നടിച്ചു. മുന്നൊരുക്കങ്ങളോ കൂടിയാലോചനകളോ ഇല്ലാതെയാണ് യു.ഡി.എഫ് നേതാക്കൾ പ്രമേയവുമായി എത്തിയത്. അടി കിട്ടിയ ശേഷം മാത്രം കാര്യം മനസ്സിലാക്കുന്ന രീതിയാണ് യു.ഡി.എഫിന്റേതെന്നും, കൃത്യമായ ചർച്ചകൾ നടത്തി പിന്തുണ തേടാൻ അവർ തയ്യാറായില്ലെന്നും അദ്ദേഹം കുറ്റപ്പെടുത്തി.
കൊച്ചിയിൽ കേന്ദ്ര ലേബർ കോഡിന്റെ മറവിൽ നടക്കുന്ന കൂട്ടപ്പിരിച്ചുവിടൽ കടുത്ത തൊഴിൽ ചൂഷണമാണെന്ന് ശിവൻകുട്ടി കുറ്റപ്പെടുത്തി. കേരളത്തിൽ ഇത്തരം നിയമവിരുദ്ധ നടപടികൾ അനുവദിക്കില്ലെന്നും, സി.ഐ.ടി.യു ഇതിനെതിരെ ശക്തമായ നിയമസഹായങ്ങൾ ലഭ്യമാക്കുമെന്നും അദ്ദേഹം ഉറപ്പ് നൽകി. മുഖ്യമന്ത്രിയുടെ ‘റിവേഴ്സ് റെമിറ്റൻസ്’ പരാമർശത്തെയും അദ്ദേഹം വിമർശിച്ചു.
Story Summary
LDF leader V. Sivankutty has alleged severe administrative paralysis in the Thiruvananthapuram Corporation, blaming the Mayor’s attitude and mismanagement for the city’s deteriorating sanitary conditions. Additionally, he criticized the UDF for failing to consult the LDF before moving an unsuccessful no-confidence motion. Sivankutty also condemned the mass retrenchment of workers in Kochi as labor exploitation and expressed his disapproval of the Chief Minister’s ‘reverse remittance’ remarks regarding migrant workers.
