കൊച്ചി: വൈറ്റില ഹബ്ബിൽ സ്വകാര്യ ബസ് ജീവനക്കാർ തമ്മിലുണ്ടായ തർക്കം വടിവാൾ ആക്രമണത്തിൽ കലാശിച്ചു. തൃപ്പൂണിത്തുറ-ആലുവ റൂട്ടിലെയും, ചേർത്തല-കലൂർ റൂട്ടിലെയും ബസുകളിലെ ജീവനക്കാരാണ് സംഘർഷത്തിലേർപ്പെട്ടത്. ആക്രമണത്തിൽ ഡ്രൈവർ മുഹമ്മദ് മുക്താറിനും കണ്ടക്ടർ അൽത്താഫിനും പരിക്കേറ്റു. ഇരുവരും ആശുപത്രിയിൽ ചികിത്സയിലാണ്.(Vyttila Hub Bus Staff Clash, Machete Attack Leaves Two Injured)
പാർക്കിങ്ങിനെയും സർവീസ് സമയക്രമത്തെയും ചൊല്ലി ഇരുവിഭാഗങ്ങൾ തമ്മിൽ തർക്കം നിലനിന്നിരുന്നു. വൈറ്റില ഹബ്ബിൽ എത്തിയപ്പോൾ ഒരു ബസിലെ ജീവനക്കാരൻ വടിവാളുമായി എത്തി മറ്റു ബസ് ജീവനക്കാരെ ആക്രമിക്കുകയായിരുന്നുവെന്നാണ് പരാതി.
ആക്രമണത്തിനിടെ ഇയാൾ അസഭ്യം പറഞ്ഞതായും ജീവനക്കാർ ആരോപിച്ചു. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. മരട് പോലീസ് കേസെടുത്ത് അന്വേഷണം ആരംഭിച്ചു.
Story Summary
A dispute between private bus staff at Vyttila Hub turned violent when an employee attacked staff with a machete. The conflict, which stemmed from ongoing issues regarding parking and scheduling, left two people injured. Maradu police have registered a case.
