തിരുവനന്തപുരം: 2021-ൽ പിണറായി സർക്കാർ വീണ്ടും അധികാരത്തിൽ വന്നത് പൊതുമരാമത്ത് വകുപ്പിന്റെ പ്രവർത്തനങ്ങളുടെ ഫലമാണെന്ന് ജി. സുധാകരൻ. നിയമസഭയിലെ പ്രസംഗത്തിനിടെയാണ് സർക്കാരിനെ ഓർമ്മിപ്പിച്ചുകൊണ്ട് അദ്ദേഹം ഇക്കാര്യം തുറന്നുപറഞ്ഞത്. പിണറായി വിജയന് അത് ഓർമ്മയില്ലെങ്കിലും താൻ ഇവിടെ പറയുകയാണെന്ന് അദ്ദേഹം വ്യക്തമാക്കി. വീണ്ടും അധികാരത്തിൽ വരണമെന്ന് ആഗ്രഹമുണ്ടെങ്കിൽ പൊതുമരാമത്ത് വകുപ്പിനെ കൂടുതൽ ശക്തിപ്പെടുത്തണമെന്നും അദ്ദേഹം നിർദ്ദേശിച്ചു.(G Sudhakaran Claims PWD Performance Secured Pinarayi Governments Second Term)
താൻ പൊതുമരാമത്ത് മന്ത്രിയായിരുന്ന കാലത്ത് വകുപ്പിന്റെ പ്രവർത്തനങ്ങൾ കേരളം മുഴുവൻ നീതിയോടെയാണ് നടന്നതെന്ന് അന്നത്തെ പ്രതിപക്ഷ നേതാവും ഇന്നത്തെ മുഖ്യമന്ത്രിയുമായ വി.ഡി. സതീശൻ അടക്കമുള്ളവർ സമ്മതിച്ചിട്ടുണ്ടെന്ന് സുധാകരൻ ഓർമ്മിപ്പിച്ചു. പൊതുമരാമത്ത് നിർമ്മിക്കുന്ന റോഡുകൾ പിന്നീട് മറ്റ് വകുപ്പുകൾ വെട്ടിപ്പൊളിക്കുന്ന പ്രവണത അവസാനിപ്പിക്കണം. റോഡ് പൊളിക്കേണ്ട സാഹചര്യമുണ്ടായാൽ അത് പൊതുമരാമത്ത് വകുപ്പിന്റെ അനുമതിയോടെ, അവരെക്കൊണ്ട് തന്നെ നിർമ്മാണം പൂർത്തിയാക്കണമെന്നും ഖജനാവ് നശിപ്പിക്കുന്ന പ്രവർത്തനങ്ങൾ അനുവദിക്കരുതെന്നും അദ്ദേഹം കൂട്ടിച്ചേർത്തു.
സാമൂഹ്യനീതിയിൽ വിശ്വസിക്കുന്ന പാർട്ടിയാണ് മുസ്ലീം ലീഗ് എന്നും, ലീഗ് എന്ന പേര് കേട്ട് ആരും വിറകൊള്ളേണ്ടതില്ലെന്നും സുധാകരൻ പറഞ്ഞു. ചരിത്രം പരിശോധിച്ചാൽ ജിന്നയുടെയും പാകിസ്ഥാൻ രൂപീകരണത്തിന്റെയും പശ്ചാത്തലം വ്യക്തമാകും. ഇന്ത്യയിലെ 22 കോടിയോളം വരുന്ന മുസ്ലീം ജനവിഭാഗം ദേശസ്നേഹികളാണ്. 1967-ൽ ഇ.എം.എസ്. മുസ്ലീങ്ങളെ ഒപ്പം നിർത്തിയെന്നും, മലബാറിൽ കോൺഗ്രസിന് കനത്ത തിരിച്ചടി നേരിടേണ്ടി വന്നുവെന്നും ദേഹം ചൂണ്ടിക്കാട്ടി. അത് മുസ്ലീം ലീഗിന്റെ ശക്തിയാണെന്നും അദ്ദേഹം ഓർമ്മിപ്പിച്ചു.
Story Summary
Former Public Works Minister G. Sudhakaran asserted in the Kerala Legislative Assembly that the Pinarayi Vijayan government’s re-election in 2021 was largely due to the effective functioning of the Public Works Department (PWD) during his tenure. He also made notable political remarks praising the secular and patriotic stance of the Muslim community and acknowledging the electoral strength of the Muslim League in Malabar.
