ന്യൂയോർക്ക്: 2026 ഫിഫ ലോകകപ്പിലെ ആവേശപ്പോരാട്ടത്തിൽ ജപ്പാനെതിരെ ബ്രസീൽ തകർപ്പൻ ജയം നേടിയതിന് പിന്നാലെ (Neymar Joachim Klement), കാനറപ്പട തോൽക്കുമെന്ന് പ്രവചിച്ച ജർമൻ സാമ്പത്തിക ശാസ്ത്രജ്ഞൻ ജോക്കിം ക്ലെമന്റിന് സൂപ്പർ താരം നെയ്മറുടെ വക ട്രോൾ. തന്റെ സവിശേഷമായ സ്റ്റാറ്റിസ്റ്റിക്കൽ മോഡൽ ഉപയോഗിച്ച് 2014, 2018, 2022 ലോകകപ്പ് വിജയികളെ കൃത്യമായി പ്രവചിച്ച ചരിത്രമുള്ളയാളാണ് ജോക്കിം ക്ലെമന്റ്. എന്നാൽ ഇത്തവണ റൗണ്ട് ഓഫ് 32 പോരാട്ടത്തിൽ ജപ്പാൻ ബ്രസീലിനെ ടൂർണമെന്റിൽ നിന്ന് പുറത്താക്കുമെന്നായിരുന്നു ക്ലെമന്റിന്റെ പ്രവചനം.
കഴിഞ്ഞ തിങ്കളാഴ്ച നടന്ന മത്സരത്തിൽ ഒന്നിനെതിരെ രണ്ട് ഗോളുകൾക്ക് ജപ്പാനെ തകർത്ത് ബ്രസീൽ പ്രീക്വാർട്ടറിലേക്ക് മുന്നേറിയിരുന്നു. ഇതിന് തൊട്ടുപിന്നാലെയാണ് നെയ്മർ സോഷ്യൽ മീഡിയ പ്ലാറ്റ്ഫോമായ എക്സിലൂടെ (X) ശാസ്ത്രജ്ഞന് മറുപടിയുമായി എത്തിയത്. “മിസ്റ്റർ ജോക്കിം ക്ലെമന്റ്… ദയവായി അടുത്ത ലോകകപ്പിൽ വീണ്ടും ശ്രമിച്ചു നോക്കൂ,” എന്നായിരുന്നു പോർച്ചുഗീസ് ഭാഷയിൽ നെയ്മർ കുറിച്ചത്. പരിക്കിൽ നിന്ന് പൂർണ്ണമായി മുക്തനാകാത്തതിനാൽ നെയ്മർ ഈ മത്സരത്തിൽ കളിപ്പുരത്തിലുണ്ടായിരുന്നില്ല. കളത്തിന് പുറത്തിരുന്നിട്ടും മൈതാനത്തിന് പുറത്തെ താരത്തിന്റെ ഈ ട്രോൾ ഇപ്പോൾ സോഷ്യൽ മീഡിയയിൽ വൈറലാവുകയാണ്.
Story Summary:
Brazilian football star Neymar trolled German economist Joachim Klement on X after Brazil defeated Japan 2-1 in the 2026 FIFA World Cup Round of 32. Klement, known for accurately predicting previous World Cup winners, had foretold Brazil’s exit from the tournament.
