ന്യൂഡൽഹി: അമൃത്സറിലേക്കുള്ള എയർ ഇന്ത്യ വിമാനം പാകിസ്ഥാൻ വ്യോമാതിർത്തിയിൽ പ്രവേശിച്ചത് സുരക്ഷാ സേനയിലും വ്യോമയാന മന്ത്രാലയത്തിലും ആശങ്കയുണ്ടാക്കി. തിങ്കളാഴ്ച രാത്രി ഡൽഹിയിൽ നിന്ന് അമൃത്സറിലേക്ക് പുറപ്പെട്ട വിമാനമാണ് (AI 479) ലാൻഡിംഗിനിടെ വഴിതെറ്റി പാക് അതിർത്തിക്കുള്ളിൽ കടന്നത്.(Air India Flight Enters Pakistan Airspace Leading To Crew Suspension)
അമൃത്സർ വിമാനത്താവളത്തിലെ റൺവേയിൽ പക്ഷി ഇടിച്ചതിനെത്തുടർന്ന് നടത്തിയ പരിശോധന കാരണം വിമാനത്തിന് വട്ടമിട്ടു പറക്കാൻ നിർദേശം ലഭിച്ചിരുന്നു. ഈ സമയത്താണ് വിമാനം പാക് അതിർത്തിയിലേക്ക് കടന്നത്. ലാഹോർ എയർ ട്രാഫിക് കൺട്രോളുമായി ബന്ധപ്പെട്ടതിനെത്തുടർന്ന് 15 സെക്കൻഡുകൾക്കുള്ളിൽ വിമാനം പാക് വ്യോമാതിർത്തിയിൽ നിന്ന് പുറത്തുകടക്കുകയും സുരക്ഷിതമായി ഡൽഹിയിലേക്ക് തിരിച്ചുപോവുകയും ചെയ്തു.
എന്നാൽ, നിർണായകമായ ഈ സുരക്ഷാ വീഴ്ച അധികൃതരെ അറിയിക്കുന്നതിൽ വീഴ്ച വരുത്തിയതിന് വിമാനത്തിലെ ജീവനക്കാർക്കെതിരെ നടപടിയെടുത്തു. വിമാനം പാക് അതിർത്തിയിൽ കടന്ന വിവരം ഔദ്യോഗികമായി റിപ്പോർട്ട് ചെയ്യാൻ ഇവർ തയാറായില്ലെന്നാണ് കണ്ടെത്തൽ. പിന്നീട് ഇതേ വിമാനം വീണ്ടും ഡൽഹിയിൽ നിന്ന് അമൃത്സറിലേക്ക് യാത്ര തിരിച്ചു. സംഭവത്തിൽ വ്യോമയാന മന്ത്രാലയം ഉന്നതതല അന്വേഷണത്തിന് ഉത്തരവിട്ടിട്ടുണ്ട്.
Story Summary
An Air India flight from Delhi to Amritsar accidentally entered Pakistani airspace while holding for a landing due to a runway inspection. Authorities have grounded the operating crew and an air traffic controller for failing to report the breach, as an official investigation into the security lapse begins.
