തിരുവനന്തപുരം: ബിജെപി ഭരണത്തിലുള്ള തിരുവനന്തപുരം നഗരസഭ പൂർണ്ണമായും നിശ്ചലാവസ്ഥയിലാണെന്ന് കോൺഗ്രസ് നേതാവ് കെ.എസ്. ശബരീനാഥൻ. ബിജെപി കൗൺസിലർ ആർ. സുഗതൻ ജയിലിലായതോടെ യോഗങ്ങൾ പോലും ചേരുന്നില്ലെന്ന് അദ്ദേഹം ചൂണ്ടിക്കാട്ടി. ഭരണസമിതി കൗൺസിൽ യോഗം വിളിച്ചുചേർക്കാൻ പോലും തയ്യാറാകുന്നില്ലെന്ന് അദ്ദേഹം കുറ്റപ്പെടുത്തി.(KS Sabarinathan criticizes BJP led Thiruvananthapuram Corporation for administrative paralysis)
നഗരത്തിലെ മരാമത്ത് പണികൾ ഉൾപ്പെടെയുള്ള വികസന പ്രവർത്തനങ്ങൾ പൂർണ്ണമായും നിലച്ചിരിക്കുകയാണ്. നിയമപ്രകാരം ഓരോ മാസവും കൗൺസിൽ യോഗം ചേരണമെന്നിരിക്കെ, സുഗതനെ സംരക്ഷിക്കാനായി ഭരണസമിതി ഈ ചട്ടം ബോധപൂർവ്വം ലംഘിക്കുകയാണെന്ന് ശബരീനാഥൻ ആരോപിച്ചു.
സുഗതന്റെ സത്യപ്രതിജ്ഞാ വിഷയത്തിലും കോർപ്പറേഷൻ ഭരണസമിതി ഒളിച്ചുകളിക്കുകയാണ്. ജൂൺ 29-ന് നിശ്ചയിച്ചിരിക്കുന്ന കൗൺസിൽ യോഗത്തിൽ സത്യപ്രതിജ്ഞ സംബന്ധിച്ച കോടതി നിർദ്ദേശങ്ങൾ നടപ്പിലാക്കാൻ ഭരണസമിതി തയ്യാറാകണമെന്നും അദ്ദേഹം ആവശ്യപ്പെട്ടു. യുഡിഎഫ് കൗൺസിലർമാരുടെ സത്യപ്രതിജ്ഞ നടത്താൻ സന്നദ്ധമാണ് എന്നും അദ്ദേഹം വ്യക്തമാക്കി.
Story Summary
Congress leader K.S. Sabarinathan has slammed the BJP-led Thiruvananthapuram Corporation for administrative paralysis and failure to hold mandatory council meetings. He accused the ruling party of shielding incarcerated councillor R. Sugathan and announced that the UDF would launch strong protests against the ongoing stagnation and developmental stall in the city.
