തിരുവനന്തപുരം: നിയമസഭയിൽ പ്രതിപക്ഷത്തിന് അനാവശ്യമായി അധികസമയം അനുവദിക്കുന്നുവെന്ന പരാതിയുമായി റവന്യൂമന്ത്രി കെ. അനിൽകുമാർ രംഗത്ത്. പകർച്ചപ്പനി സംബന്ധിച്ച് പ്രതിപക്ഷം അവതരിപ്പിച്ച അടിയന്തര പ്രമേയത്തിന്മേലുള്ള വോക്കൗട്ട് പ്രസംഗത്തിന് സ്പീക്കർ തിരുവഞ്ചൂർ രാധാകൃഷ്ണൻ സമയം അനുവദിച്ചതാണ് ഭരണപക്ഷത്തെ ചൊടിപ്പിച്ചത്.(Kerala Legislative Assembly, Revenue Minister Complains Against Speaker Over Time Allocation)
പ്രതിപക്ഷ നേതാവിന് 15 മിനിറ്റും, സഭയിലെ രണ്ടാമത്തെ കക്ഷിയുടെ നേതാവിന് 7 മിനിറ്റും അനുവദിച്ചുവെന്നായിരുന്നു മന്ത്രി അനിൽകുമാറിന്റെ ആരോപണം. ഇതോടെ സഭയിൽ ഭരണപക്ഷവും സ്പീക്കറും തമ്മിൽ വാദപ്രതിവാദങ്ങൾ ഉണ്ടായി.
കഴിഞ്ഞ 10 വർഷമായി വോക്കൗട്ട് പ്രസംഗത്തിനായി പ്രതിപക്ഷ നേതാവിന് അനുവദിച്ചിരുന്നത് പരമാവധി 10 മിനിറ്റ് മാത്രമാണെന്ന് റവന്യൂമന്ത്രി ഓർമ്മിപ്പിച്ചു. രണ്ടാമത്തെ കക്ഷിക്ക് ഒരു മിനിറ്റും മറ്റുള്ളവർക്ക് സെക്കൻഡുകളും മാത്രം അനുവദിച്ചിരുന്ന കീഴ്വഴക്കം ലംഘിക്കപ്പെട്ടുവെന്നും, പുതിയ കീഴ്വഴക്കങ്ങൾ സഭയിൽ സൃഷ്ടിക്കരുതെന്നും മന്ത്രി ആവശ്യപ്പെട്ടു.
മന്ത്രിയുടെ പരാതിക്ക് മറുപടിയായി സ്പീക്കർ തിരുവഞ്ചൂർ രാധാകൃഷ്ണൻ സഭയിലെ സമയവിവരങ്ങൾ വ്യക്തമാക്കി. പ്രതിപക്ഷ നേതാവ് സംസാരിച്ചത് 15 മിനിറ്റല്ല, 12 മിനിറ്റ് മാത്രമാണെന്നും, കെ. രാജൻ അഞ്ച് മിനിറ്റ് മാത്രമാണ് സംസാരിച്ചതെന്നും അദ്ദേഹം തിരുത്തി. വിഷയം ഗൗരവമായി കാണുന്നുവെന്ന് വ്യക്തമാക്കിയ സ്പീക്കർ, സമയക്രമത്തിൽ പുതിയൊരു തീരുമാനം എടുക്കാൻ എല്ലാവരുമായും ചർച്ചയ്ക്ക് തയ്യാറാണെന്നും സഭയെ അറിയിച്ചു.
Story Summary
Revenue Minister K. Anil Kumar raised a formal complaint in the Legislative Assembly, accusing Speaker Thiruvanchoor Radhakrishnan of violating traditional time-allotment protocols during opposition walkout speeches. While the Minister alleged that excessive time was given to the opposition, the Speaker clarified the actual time spent and proposed a collaborative discussion to redefine the house’s time-scheduling rules.
