ന്യൂഡൽഹി : ഗൾഫ് ഓഫ് ഒമാനിൽ യുഎസ് സൈനിക ആക്രമണത്തിൽ മൂന്ന് ഇന്ത്യൻ നാവികർ കൊല്ലപ്പെട്ട സംഭവത്തിൽ അമേരിക്ക അനുശോചനം രേഖപ്പെടുത്താത്തതിനെതിരെ രൂക്ഷ വിമർശനവുമായി കോൺഗ്രസ് നേതാക്കളായ ശശി തരൂരും മനീഷ് തിവാരിയും. തന്ത്രപ്രധാനമായ പങ്കാളിയായ ഇന്ത്യയോട് അമേരിക്ക കാണിക്കുന്നത് അങ്ങേയറ്റം നിരുത്തരവാദപരമായ സമീപനമാണെന്ന് ഇരുവരും കുറ്റപ്പെടുത്തി.(Shashi Tharoor And Manish Tewari Criticize US Over Death Of Indian Sailors)
നിർദ്ദോഷികളായ മൂന്ന് ഇന്ത്യക്കാരുടെ മരണത്തിൽ ഒട്ടും ഖേദമോ അനുശോചനമോ പ്രകടിപ്പിക്കാത്ത യുഎസ് ഔദ്യോഗിക പ്രസ്താവന ഞെട്ടിക്കുന്നതാണ്. ഒരു സുഹൃത്തും തന്ത്രപ്രധാനമായ പങ്കാളിയുമായ രാജ്യത്തോട് എങ്ങനെയാണ് ഇത്രയും നിസ്സംഗതയോടെ പെരുമാറാൻ കഴിയുന്നത്” എന്ന് ശശി തരൂർ എക്സിൽ കുറിച്ചു. കപ്പലുകളെ ആക്രമിക്കാൻ മിസൈലുകൾക്ക് പകരം മറ്റ് മാർഗ്ഗങ്ങൾ ഉപയോഗിക്കാമായിരുന്നുവെന്നും, സിവിലിയൻ നാവികരെ ‘കൊളാറ്ററൽ ഡാമേജ്’ ആയി കാണുന്നത് അംഗീകരിക്കാനാവില്ലെന്നും അദ്ദേഹം കൂട്ടിച്ചേർത്തു. വിദേശകാര്യമന്ത്രി എസ്. ജയശങ്കർ ഇക്കാര്യം യുഎസ് സ്റ്റേറ്റ് സെക്രട്ടറി മാർക്കോ റൂബിയോയോട് ശക്തമായി ഉന്നയിക്കുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
“ഖേദമില്ല, അനുശോചനമില്ല, സഹാനുഭൂതിയുമില്ല. വളരെ പരുക്കനും യുദ്ധസമാനവുമായ സമീപനമാണ് അമേരിക്കയുടേത്,” എന്ന് മനീഷ് തിവാരി വിമർശിച്ചു. ഇന്ത്യൻ നാവികരെ കുറ്റപ്പെടുത്തുന്ന തരത്തിലുള്ള യുഎസ് നിലപാട് ഒരു സുഹൃദ് രാജ്യത്തോട് സ്വീകരിക്കേണ്ടതല്ലെന്നും അദ്ദേഹം പറഞ്ഞു.
Story Summary
Congress leaders Shashi Tharoor and Manish Tewari have strongly condemned the United States for failing to express condolences following the deaths of three Indian seafarers in a US military strike on the merchant vessel MV Eternity C. Tharoor criticized the US for treating civilian sailors as collateral damage, while the Indian government has formally sought a detailed explanation from US authorities regarding the incident.
