ന്യൂഡൽഹി: അമേരിക്കൻ വിദേശകാര്യ സെക്രട്ടറി മാർക്കോ റൂബിയോ നാല് ദിവസത്തെ ഔദ്യോഗിക സന്ദർശനത്തിനായി ഇന്ത്യയിലെത്തി (Marco Rubio India Visit). ശനിയാഴ്ച രാവിലെ കൊൽക്കത്തയിലെത്തിയ അദ്ദേഹം, തുടർന്ന് ഡൽഹിയിലെ പ്രധാനമന്ത്രിയുടെ ഓഫീസിലെത്തി പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. ഡൊണാൾഡ് ട്രംപ് ഭരണകൂടത്തിലെ പ്രമുഖനായ റൂബിയോ പദവിയിലെത്തിയ ശേഷമുള്ള അദ്ദേഹത്തിന്റെ ആദ്യ ഇന്ത്യൻ സന്ദർശനമാണിത്. 14 വർഷത്തിന് ശേഷമാണ് ഒരു യു.എസ് വിദേശകാര്യ സെക്രട്ടറി കൊൽക്കത്ത സന്ദർശിക്കുന്നത് എന്ന പ്രത്യേകതയുമുണ്ട്.
കൊൽക്കത്തയിൽ മദർ തെരേസ സ്ഥാപിച്ച മിഷനറീസ് ഓഫ് ചാരിറ്റിയുടെ ആസ്ഥാനമായ മദർ ഹൗസും നിർമ്മല ശിശുഭവനും അദ്ദേഹം ഭാര്യ ജീനറ്റ് റൂബിയോയ്ക്കൊപ്പം സന്ദർശിച്ചു. ഞായറാഴ്ച വിദേശകാര്യമന്ത്രി എസ്. ജയശങ്കറുമായി അദ്ദേഹം ചർച്ച നടത്തും. ചൊവ്വാഴ്ച ഡൽഹിയിൽ നടക്കുന്ന ക്വാഡ് (Quad) വിദേശകാര്യമന്ത്രിമാരുടെ യോഗത്തിലും അദ്ദേഹം പങ്കെടുക്കും. കൂടാതെ ആഗ്ര, ജയ്പൂർ എന്നിവിടങ്ങളും അദ്ദേഹം സന്ദർശിക്കുന്നുണ്ട്. യു.എസ്-ഇറാൻ യുദ്ധം ഉയർത്തുന്ന സാമ്പത്തിക പ്രതിസന്ധികളും ഇരുരാജ്യങ്ങളും തമ്മിലുള്ള വ്യാപാര താരിഫ് തർക്കങ്ങളും സന്ദർശനത്തിൽ പ്രധാന ചർച്ചാവിഷയങ്ങളാകും.
Summary: US Secretary of State Marco Rubio has arrived in India for a four-day official visit, marking his first trip to the country since taking office. After landing in Kolkata this morning, where he and his wife visited Mother Teresa’s Missionaries of Charity, Rubio traveled to Delhi to meet with Prime Minister Narendra Modi. During his visit, the top US diplomat will hold bilateral talks with External Affairs Minister S Jaishankar and attend the Quad Foreign Ministers’ meeting, with key discussions expected to focus on the economic impacts of the US-Iran war and recent trade tariff tensions.
