വയനാട്: താമരശ്ശേരി ചുരത്തിൽ ഗതാഗതം തടസ്സപ്പെടുത്തിയ പെരുമ്പാമ്പിനെ മാറ്റാൻ ശ്രമിച്ച യുവാവിന് പാമ്പിന്റെ കടിയേറ്റു. വയനാട് കൽപറ്റ സ്വദേശി ആസാദ് (28) ആണ് ആക്രമണത്തിനിരയായത്. പാമ്പിന്റെ കടിയിൽ യുവാവിന്റെ കാലിലെ മാംസം വലിയൊരു ഭാഗം അടർന്നുപോയ നിലയിലാണ്.(Man suffers severe injuries after being bitten by python on Thamarassery Churam)
കഴിഞ്ഞദിവസം രാത്രി എട്ടുമണിയോടെയായിരുന്നു സംഭവം. കൽപറ്റയിൽ നിന്ന് ഒടുങ്ങാക്കാടുള്ള ഹോട്ടലിലേക്ക് ഭക്ഷണം കഴിക്കാൻ കാറിൽ പോവുകയായിരുന്നു ആസാദ്. ചുരത്തിലെ ഒമ്പതാം വളവിലെത്തിയപ്പോൾ റോഡിന്റെ മധ്യഭാഗത്ത് കിടക്കുന്ന പെരുമ്പാമ്പിനെ യുവാവ് കണ്ടു.
പാമ്പ് റോഡ് മുറിച്ചുകടക്കാൻ കാത്തുനിന്നെങ്കിലും അനക്കമില്ലാത്തതിനെത്തുടർന്ന് ഗതാഗതം തടസ്സപ്പെട്ടു. ഇതോടെ യുവാവ് കാറിൽ നിന്നിറങ്ങി പാമ്പിനെ സുരക്ഷിതമായി മാറ്റാൻ ശ്രമിക്കുന്നതിനിടെയാണ് കാലിൽ കടിയേറ്റത്.
Story Summary
A 28-year-old man from Kalpetta, Azad, suffered severe leg injuries after being bitten by a python on the Thamarassery Churam. The incident occurred when he attempted to move the python, which was obstructing traffic on the road, after waiting for it to cross for a significant amount of time.
