ന്യൂഡൽഹി: ഇന്ത്യ സഖ്യത്തിന്റെ നിർണ്ണായക യോഗത്തിന് മുന്നോടിയായി ഡൽഹിയിൽ രാഹുൽ ഗാന്ധിക്കെതിരെ പ്രത്യക്ഷപ്പെട്ട ഫ്ലക്സ് ബോർഡുകൾ തങ്ങൾ സ്ഥാപിച്ചതാണെന്ന് ഡി.എം.കെ സ്ഥിരീകരിച്ചു. പാർട്ടി മുഖപത്രത്തിലൂടെയാണ് ഡി.എം.കെ ഇക്കാര്യം പരസ്യമായി സമ്മതിച്ചത്. കോൺഗ്രസിനെയും രാഹുൽ ഗാന്ധിയെയും പരിഹസിക്കുന്ന രീതിയിലുള്ള പോസ്റ്ററുകൾ സഖ്യത്തിലെ മറ്റ് നേതാക്കൾ രാഹുലിനെതിരെ മുൻകാലങ്ങളിൽ നടത്തിയ വിമർശനങ്ങൾ ഉൾക്കൊള്ളിച്ചായിരുന്നു പ്രദർശിപ്പിച്ചിരുന്നത്.(DMK protest Delhi, DMK confirms its role in flex protest against Rahul Gandhi in Delhi)
തമിഴ്നാട് നിയമസഭാ തെരഞ്ഞെടുപ്പിന് ശേഷം കോൺഗ്രസ് തങ്ങളെ വഞ്ചിച്ച് വിജയുടെ പാർട്ടിയുമായി ചേർന്ന് സർക്കാർ രൂപീകരിച്ചുവെന്നാരോപിച്ച് ഡി.എം.കെ നേരത്തെ തന്നെ ഇന്ത്യ സഖ്യത്തിൽ നിന്ന് അകലം പാലിച്ചിരുന്നു. കോൺഗ്രസ് പങ്കെടുക്കുന്ന ഒരു യോഗത്തിലും തങ്ങൾ ഭാഗമാകില്ലെന്ന് എം.കെ. സ്റ്റാലിൻ വ്യക്തമാക്കിയതിനെ തുടർന്നായിരുന്നു യോഗത്തിൽ നിന്നുള്ള ഡി.എം.കെയുടെ വിട്ടുനിൽക്കൽ.
ഇന്ത്യ സഖ്യത്തിന്റെ രൂപീകരണത്തിൽ തങ്ങൾ വഹിച്ച പങ്ക് വളരെ വലുതാണെന്നും, എന്നാൽ കോൺഗ്രസിന്റെ നിലപാടുകളോടുള്ള വിയോജിപ്പാണ് യോഗത്തിൽ നിന്ന് മാറിനിൽക്കാൻ പ്രേരിപ്പിച്ചതെന്നും പാർട്ടി മുഖപത്രം വ്യക്തമാക്കുന്നു. പാർട്ടി പ്രവർത്തകരുടെ വികാരം ഇന്ത്യ സഖ്യത്തെ അറിയിക്കാനാണ് പ്രതിഷേധ ബോർഡുകൾ സ്ഥാപിച്ചത്. യോഗത്തിൽ നിന്ന് മാറിനിൽക്കുന്നത് ദേശീയ പ്രാധാന്യമുള്ള വിഷയങ്ങളിൽ നിന്നുള്ള പിന്മാറ്റമായി കാണേണ്ടതില്ല. ജനക്ഷേമകരമായ ദേശീയ വിഷയങ്ങളിൽ ഇന്ത്യ സഖ്യത്തിലെ മറ്റ് കക്ഷികൾക്ക് ഡി.എം.കെയുടെ പൂർണ്ണ പിന്തുണയും ശബ്ദവും തുടർന്നും ഉണ്ടാകുമെന്ന് പാർട്ടി ഉറപ്പുനൽകുന്നു.
Story Summary
The DMK has officially confirmed through its party mouthpiece, ‘Murasoli’, that it was responsible for the anti-Rahul Gandhi flex boards displayed in Delhi ahead of the INDIA bloc meeting. The party maintains that while it remains committed to national issues, it has distanced itself from the Congress-led alliance due to the latter’s decision to form a government with actor Vijay’s party in Tamil Nadu after the state elections.
