ഹൈദരാബാദ്: റാം ചരൺ കേന്ദ്രകഥാപാത്രമായെത്തിയ ‘പെഡ്ഡി’ എന്ന ചിത്രത്തിലെ ജാൻവി കപൂറിന്റെ കഥാപാത്ര ചിത്രീകരണവുമായി ബന്ധപ്പെട്ട് വലിയ വിവാദങ്ങൾ ഉയരുന്നതിനിടെ നടിയെ പിന്തുണച്ച് പ്രമുഖ തെന്നിന്ത്യൻ നടി ഡിംപിൾ ഹയാത്തി രംഗത്ത് (Peddi Movie Controversy). ചിത്രത്തിൽ സ്ത്രീകളെ മോശമായി ചിത്രീകരിച്ചു എന്ന തരത്തിൽ ഉയർന്നുവന്ന വിമർശനങ്ങളിൽ നടിയെ മാത്രം കുറ്റപ്പെടുത്തുന്ന പ്രവണത ശരിയല്ലെന്നും, ഇതിന് ഉത്തരവാദികൾ സിനിമയുടെ അണിയറപ്രവർത്തകരും നിലവിലെ സിസ്റ്റവുമാണെന്ന് ഡിംപിൾ വ്യക്തമാക്കി. തന്റെ ഔദ്യോഗിക എക്സ് ഹാൻഡിലിലൂടെയാണ് താരം നിലപാട് വ്യക്തമാക്കിയത്.
I’m so glad today on this day we all are speaking about how actresses roles are being written and the instinctive response to blame actress after doing what she was offered ,dont blame the actress blame the system and makers who really think that’s what sells .. and we actors get…
— Dimple Hayathi (@DimpleHayathi) June 6, 2026
സിനിമകളിൽ നടിമാരുടെ കഥാപാത്രങ്ങൾ എങ്ങനെ എഴുതപ്പെടുന്നു എന്നതിനെക്കുറിച്ചും, അവർക്ക് ലഭിക്കുന്ന വേഷങ്ങൾ അഭിനയിച്ചു കഴിയുമ്പോൾ അതിന് നടിയെ മാത്രം വേട്ടയാടുന്നതിനെക്കുറിച്ചും ഇപ്പോൾ ചർച്ചകൾ നടക്കുന്നത് നന്നായെന്ന് ഡിംപിൾ കുറിച്ചു. വിപണിയിൽ ഇത്തരം കാര്യങ്ങളാണ് വിറ്റഴിയുക എന്ന് ചിന്തിക്കുന്ന സിസ്റ്റത്തെയും അതിന്റെ നിർമ്മാതാക്കളെയുമാണ് ഇതിൽ കുറ്റപ്പെടുത്തേണ്ടത്. തങ്ങൾക്ക് ലഭിക്കുന്ന അവസരങ്ങൾക്കുള്ളിൽ നിന്നുകൊണ്ട് കരിയറിൽ വലിയ സിനിമകളുടെ ഭാഗമാകാനും കൂടുതൽ പ്രേക്ഷകരിലേക്ക് എത്താനുമാണ് ഓരോ അഭിനേതാക്കളും ശ്രമിക്കുന്നത്. ഒരു കഥാപാത്രത്തിന്റെ പശ്ചാത്തലം കൃത്യമായി എഴുതപ്പെടാത്തതിന് കാരണം തിരക്കഥയിലെയും സംവിധാനത്തിലെയും പാളിച്ചകളാണ്.
നായകകേന്ദ്രീകൃതമായ സിനിമകളിൽ പുരുഷ കഥാപാത്രങ്ങൾക്ക് വലിയ പ്രാധാന്യം നൽകുമ്പോൾ, നടിമാരെ പലപ്പോഴും അവരുടെ മുൻപത്തെ ഇമേജിന്റെ അടിസ്ഥാനത്തിൽ സ്റ്റീരിയോടൈപ്പ് ചെയ്യുകയാണെന്നും അവർ പറഞ്ഞു. ജൂൺ 4-ന് റിലീസ് ചെയ്ത ഈ ചിത്രം സംവിധാനം ചെയ്തത് ബുച്ചി ബാബു സനയാണ്. വിവാദ രംഗങ്ങൾ ശ്രദ്ധയിൽപ്പെട്ടതിനെ തുടർന്ന് സംവിധായകൻ പരസ്യമായി മാപ്പ് പറയുകയും, ചിത്രത്തിലെ വിവാദമായ ഭാഗങ്ങൾ എഡിറ്റ് ചെയ്ത് മാറ്റുമെന്ന് വ്യക്തമാക്കുകയും ചെയ്തിട്ടുണ്ട്. വിവാദങ്ങൾ നിലനിൽക്കുമ്പോഴും ചിത്രം ആഗോള ബോക്സ് ഓഫീസിൽ 200 കോടിയിലധികം രൂപയുടെ കളക്ഷനുമായി മുന്നേറുകയാണ്.
Summary: Actor Dimple Hayathi has extended strong support to Janhvi Kapoor amidst the ongoing backlash regarding her portrayal in the Ram Charan-starrer sports drama ‘Peddi’. Following the film’s release on June 4, a section of the audience heavily criticized it for hypersexualizing and objectifying women through its dialogues and specific camera angles. Taking to her X handle, Hayathi emphasized that the complete accountability for poorly written or problematic characters lies with the screenwriters and the industrial system rather than the female lead, who simply works within limited opportunities.
