ന്യൂഡൽഹി: വരും ദിവസങ്ങളിൽ രാജ്യത്തെ ഒരു പ്രമുഖ വ്യക്തി തങ്ങളുടെ പാർട്ടിയിൽ ചേരുമെന്ന നിർണ്ണായക പ്രഖ്യാപനവുമായി കോക്രോച്ച് ജനതാ പാർട്ടി (Cockroach Janta Party). എന്നാൽ സിജെപിയിൽ ചേരാനൊരുങ്ങുന്ന ആ പ്രമുഖൻ ആരാണെന്നത് സംബന്ധിച്ചുള്ള യാതൊരുവിധ വിവരങ്ങളും നിലവിൽ പുറത്തുവിടാൻ പാർട്ടി നേതൃത്വം തയ്യാറായിട്ടില്ല. ഈ രാഷ്ട്രീയ പ്രഖ്യാപനത്തിനൊപ്പം തന്നെ, നീറ്റ് പരീക്ഷാ പേപ്പർ ചോർച്ചയുമായി ബന്ധപ്പെട്ട വിവാദങ്ങളിൽ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാന്റെ രാജി ആവശ്യപ്പെട്ട് ശക്തമായ സമര പരിപാടികൾക്ക് രൂപം നൽകാൻ ഒരുങ്ങുകയാണ് പാർട്ടി. പ്രക്ഷോഭങ്ങൾക്ക് നേതൃത്വം നൽകുന്നതിനായി സിജെപി സ്ഥാപകൻ അഭിജിത് ദീപ്കെ ജൂൺ 6-ന് അമേരിക്കയിൽ നിന്നും രാജ്യതലസ്ഥാനമായ ഡൽഹിയിൽ എത്തും.
കോക്രോച്ച് ജനതാ പാർട്ടി എന്ന ആക്ഷേപഹാസ്യ രാഷ്ട്രീയ പാർട്ടി (Satirical Political Party) രൂപീകരിച്ചതിന് ശേഷം അഭിജിത് ദീപ്കെ നടത്തുന്ന ആദ്യ ഔദ്യോഗിക ഇന്ത്യൻ സന്ദർശനമാണിത്. നീറ്റ് ചോദ്യപേപ്പർ ചോർച്ച, സിബിഎസ്ഇ പരീക്ഷാ ഫലങ്ങളിലെ അപാകതകൾ എന്നിവ ചൂണ്ടിക്കാണിച്ച്, നിലവിലെ വിദ്യാഭ്യാസ വ്യവസ്ഥിതി രാജ്യത്തെ ഒരു കോടിയിലധികം വരുന്ന വിദ്യാർത്ഥികളുടെ ഭാവിയെ കടുത്ത ആശങ്കയിലാഴ്ത്തിയിരിക്കുകയാണെന്ന് ദീപ്കെ ആരോപിച്ചു. ചോദ്യപേപ്പർ ചോർച്ചയെ തുടർന്നുണ്ടായ മാനസിക സമ്മർദ്ദത്താൽ ജീവനൊടുക്കേണ്ടി വന്ന വിദ്യാർത്ഥികൾക്ക് നീതി ഉറപ്പാക്കണമെന്നും, ലക്ഷക്കണക്കിന് കുട്ടികളുടെ കഠിനാധ്വാനം പാഴാക്കിയ കേന്ദ്രമന്ത്രി ധർമേന്ദ്ര പ്രധാൻ അടിയന്തിരമായി രാജിവെക്കണമെന്നും അദ്ദേഹം ആവശ്യപ്പെട്ടു. കേന്ദ്രമന്ത്രിക്കെതിരെ ഡൽഹിയിലെ ജന്തർ മന്തറിൽ സംഘടിപ്പിക്കുന്ന സമാധാനപരമായ പ്രക്ഷോഭത്തിൽ അണിചേരാൻ എല്ലാവരും ഒന്നിക്കേണ്ട സമയമാണിതെന്നും തങ്ങൾ ഒന്നിച്ച് ശബ്ദമുയർത്തിയാൽ ഭരണകൂടത്തിന് കേൾക്കേണ്ടി വരുമെന്നും അദ്ദേഹം എക്സിൽ കുറിച്ചു.
Summary: The satirical political group Cockroach Janta Party (CJP) has announced that a prominent personality will soon be joining their ranks, though the identity remains undisclosed. CJP founder Abhijit Deepke is scheduled to arrive in Delhi from the United States on June 6, 2026, to lead a protest at Jantar Mantar. The demonstration aims to demand the resignation of Union Education Minister Dharmendra Pradhan over the recent NEET exam paper leak controversy.
