ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് പരീക്ഷയുടെ ഓൺ-സ്ക്രീൻ മാർക്കിംഗ് പദ്ധതിക്കായി കോംപ്റ്റ് എഡ്യൂടെക് എന്ന കമ്പനിക്ക് കരാർ നൽകിയത് ടെണ്ടർ മാനദണ്ഡങ്ങളിൽ മാറ്റം വരുത്തിക്കൊണ്ടാണെന്ന് ആരോപണം. വിദ്യാർത്ഥിയാണ് തന്റെ ബ്ലോഗിലൂടെ സിബിഎസ്ഇയുടെ ടെണ്ടർ രേഖകൾ വിശകലനം ചെയ്തുകൊണ്ട് ഈ ഞെട്ടിക്കുന്ന വിവരങ്ങൾ പുറത്തുവിട്ടത്.(CBSE OSM Tender Process, Allegations of Irregularities )
ടെണ്ടറിൽ പങ്കെടുക്കാൻ യോഗ്യതയില്ലാതിരുന്ന കമ്പനിയെ വിജയിപ്പിക്കാൻ സിബിഎസ്ഇ യോഗ്യതാ മാനദണ്ഡങ്ങളിൽ പലതവണ ഇളവുകൾ വരുത്തിയെന്നാണ് സാർത്ഥക്കിന്റെ കണ്ടെത്തൽ. മുൻപ് കരിമ്പട്ടികയിൽ പെട്ട കമ്പനികൾക്ക് അയോഗ്യതയുണ്ടായിരുന്നത് മാറ്റി, ‘നിലവിൽ കരിമ്പട്ടികയിൽ ഉള്ളവർ മാത്രം’ അയോഗ്യർ എന്ന് വ്യവസ്ഥ മാറ്റിയെഴുതി. ഇത് പേര് മാറ്റി വന്ന കോംപ്റ്റ് എഡ്യൂടെക്കിന് ഗുണകരമായി.
സോഫ്റ്റ്വെയർ നിലവാരത്തിൽ CMMI ലെവൽ 5 സർട്ടിഫിക്കേഷൻ വേണമെന്നത് ലെവൽ 3 ആക്കി കുറച്ചു. കൂടാതെ, സ്വന്തമായി ഡാറ്റാ സെന്ററുകൾ വേണമെന്ന നിബന്ധന മാറ്റി, തേർഡ് പാർട്ടി ക്ലൗഡ് ഇൻഫ്രാസ്ട്രക്ചർ ഉപയോഗിക്കാൻ അനുമതി നൽകി. സോഫ്റ്റ്വെയർ പരാജയപ്പെട്ടാൽ കരാറുകാരെ കരിമ്പട്ടികയിൽപ്പെടുത്താനുള്ള സിബിഎസ്ഇയുടെ അധികാരം എടുത്തുകളഞ്ഞു. പദ്ധതി വൈകുന്നതിന് മാത്രമായി പിഴ ചുരുക്കിയത് കമ്പനിയുടെ ഉത്തരവാദിത്തം കുറച്ചു.
2026 ജനുവരിയിൽ നടത്തിയ പരീക്ഷണത്തിൽ തന്നെ 36 സാങ്കേതിക തകരാറുകൾ കണ്ടെത്തിയിരുന്നു. ഉത്തരക്കടലാസുകളുടെ കൃത്യതയില്ലായ്മയും സുരക്ഷാ ഭീഷണികളും നേരത്തെ തന്നെ റിപ്പോർട്ട് ചെയ്യപ്പെട്ടിട്ടും അധികൃതർ പദ്ധതിയുമായി മുന്നോട്ട് പോവുകയായിരുന്നു. സ്വതന്ത്രമായ ഒരു ഉന്നതതല അന്വേഷണം ഈ നടപടിക്രമങ്ങളിൽ വേണമെന്നാണ് വിദ്യാർത്ഥിയുടെ ആവശ്യം.
Story Summary
A CBSE student, Sarthak Sidhant, has exposed alleged irregularities in the tender process for the On-Screen Marking (OSM) project, claiming that eligibility and security norms were manipulated to favor Coempt Eduteck. The report highlights that critical technical flaws identified during a January 2026 dry run were ignored by CBSE, leading to concerns about the fairness and security of the Class 12 board examination evaluation.
