ബീജിംഗ്: സിനിമയോ കമ്പ്യൂട്ടർ സയൻസോ പഠിച്ചിട്ടില്ലാത്ത ചൈനയിലെ ഒരു മുൻ ട്രെയിൻ ഡ്രൈവർ നിർമ്മിച്ച എഐ ഹ്രസ്വചിത്രം ആഗോളതലത്തിൽ ശ്രദ്ധേയമാകുന്നു. ചൈനയിലെ യുനാൻ പ്രവിശ്യയിൽ നിന്നുള്ള 29 കാരനായ ലിയു സിയു വെറും 10 ദിവസം കൊണ്ട് 3,000 യുവാൻ (ഏകദേശം 42,246 രൂപ) മാത്രം ചിലവഴിച്ച് നിർമ്മിച്ച ‘സോംബി സ്കാവഞ്ചർ’ എന്ന 3.5 മിനിറ്റ് ദൈർഘ്യമുള്ള ചിത്രമാണ് ഹോളിവുഡിന്റെ വരെ ശ്രദ്ധ പിടിച്ചുപറ്റിയത് (Former Train Driver China AI Short Film). എഐ സോഫ്റ്റ്വെയറുകളുടെ സബ്സ്ക്രിപ്ഷനും ടോക്കണുകളും വാങ്ങാൻ മാത്രമാണ് ഈ തുക ചിലവായത്. ഒരു റോബോട്ടും മനുഷ്യരൂപിയായ ഒരു പാവയും തമ്മിലുള്ള പ്രണയകഥ പറയുന്ന ഈ ചിത്രം പിക്സാറിന്റെ പ്രശസ്തമായ ‘വാൾ-ഇ’ എന്ന ചിത്രത്തിൽ നിന്ന് പ്രചോദനം ഉൾക്കൊണ്ടാണ് നിർമ്മിച്ചിരിക്കുന്നത്. വെറും ലളിതമായ കമാൻഡുകൾ നൽകുന്നതിന് പകരം ചലനവും ലക്ഷ്യവും വികാരങ്ങളും കോർത്തിണക്കിയുള്ള പ്രത്യേക ഫോർമുലയിലൂടെയാണ് ലിയു എഐ വഴി ദൃശ്യങ്ങൾ യാഥാർത്ഥ്യത്തോട് അടുത്ത രീതിയിൽ സൃഷ്ടിച്ചെടുത്തത്.
This is one of the best short films I’ve seen in years.
Very soon, we’ll stop calling it “AI film” and just call it film. pic.twitter.com/6yjU6HcnzN
— PJ Ace (@PJaccetturo) May 10, 2026
സാങ്കേതിക വിദ്യാലയത്തിൽ നിന്ന് കമ്പസ്റ്റൻ എൻജിൻ ഡ്രൈവിംഗ് പഠിച്ച് മൂന്ന് വർഷം ട്രെയിൻ ഡ്രൈവറായും പിന്നീട് വെഡ്ഡിങ് ഫോട്ടോഗ്രാഫറായും ജോലി ചെയ്ത ലിയുവിന് സിനിമയിൽ യാതൊരു മുൻപരിചയവുമില്ലായിരുന്നു. മാതാപിതാക്കളുടെ പുതിയ ഹോട്ടലിന് വേണ്ടി പ്രൊമോഷൻ വീഡിയോകൾ ചെയ്യാൻ തുടങ്ങിയതോടെയാണ് ഇയാൾ എഐ ടൂളുകൾ ഉപയോഗിച്ച് തുടങ്ങിയത്. ചിത്രത്തിലെ ഒട്ടകപ്പക്ഷിയുടെ പുറത്തു കയറിപ്പോകുന്ന റോബോട്ട് കൗബോയിയുടെ രംഗങ്ങൾ ഹോളിവുഡ് എഐ ചലച്ചിത്ര നിർമ്മാതാവായ പി.ജെ അസെറ്റുറോ സോഷ്യൽ മീഡിയയിൽ പങ്കുവെച്ചതോടെയാണ് ചിത്രം ലോകമെമ്പാടും വൈറലായത്. ലിയുവിനെ കണ്ടെത്തി തന്റെ പ്രൊജക്റ്റുകളിൽ ജോലി നൽകാൻ അസെറ്റുറോ താല്പര്യം പ്രകടിപ്പിച്ചെങ്കിലും ഇംഗ്ലീഷ് ഭാഷ കൈകാര്യം ചെയ്യാനുള്ള ബുദ്ധിമുട്ട് കാരണവും ചൈനയിൽ തന്നെ ശ്രദ്ധ കേന്ദ്രീകരിക്കാൻ ആഗ്രഹിക്കുന്നതിനാലും ലിയു ഹോളിവുഡ് ജോലി വാഗ്ദാനം തൽക്കാലം നിരസിച്ചു. എന്നിരുന്നാലും ഭാവിയിൽ യുഎസ് ആസ്ഥാനമായുള്ള വാണിജ്യ പ്രൊജക്റ്റുകളിൽ സഹകരിക്കാൻ ഇരുവരും തീരുമാനിച്ചിട്ടുണ്ട്. ആഗോളതലത്തിൽ 6 കോടിയിലധികം കാഴ്ചക്കാരെ നേടിയ ഈ ചിത്രത്തിന്റെ ഐപി (IP) അവകാശങ്ങൾ ഇതിനകം തന്നെ ഒരു ചൈനീസ് സിനിമാ കമ്പനി സ്വന്തമാക്കിക്കഴിഞ്ഞു.
Summary: A 29-year-old former train driver from China, Liu Ziyu, has gone viral globally after creating a 3.5-minute AI short film titled ‘Zombie Scavenger’ for just Rs 42,246. The Atompunk-style sci-fi love story caught the attention of Hollywood filmmaker PJ Accetturo, who publicly offered Liu a job after being amazed by the realism of the AI footage. Although Liu politely declined the immediate offer to relocate to the US due to language barriers, he remains open to future international collaborations while continuing his work in China.
