ന്യൂഡൽഹി: പരിസ്ഥിതി സൗഹൃദ ഗതാഗത സംവിധാനങ്ങളിലേക്ക് രാജ്യം ചുവടുവെക്കുന്നതിന്റെ ഭാഗമായി ഇന്ത്യയുടെ ആദ്യ തദ്ദേശീയ ഹൈഡ്രജൻ ട്രെയിൻ സർവീസിന് റെയിൽവേ ബോർഡ് അന്തിമ അനുമതി നൽകി. അത്യാധുനിക സാങ്കേതികവിദ്യയിൽ നിർമ്മിച്ച 1200 കിലോവാട്ട് എൻജിൻ കരുത്തുള്ള 10 കോച്ചുകൾ അടങ്ങിയ ട്രെയിൻ സെറ്റിനാണ് പരീക്ഷണ ഓട്ടത്തിനായി പച്ചക്കൊടി വീശിയത്. ഹരിയാനയിലെ ജിന്ദ് – സോണിപത് പാതയിലാണ് ചരിത്രപരമായ ഈ പരീക്ഷണയോട്ടം നടക്കുക.(Indigenous hydrogen train, India To Launch Its First Indigenous Hydrogen Train Service On Jind Sonipat Route)
ഹൈഡ്രജൻ ഫ്യുവൽ സെൽ സാങ്കേതികവിദ്യ ഉപയോഗിച്ചാണ് ട്രെയിൻ പ്രവർത്തിക്കുന്നത്. ഇത് പൂർണ്ണമായും മലിനീകരണ രഹിതവും കാർബൺ ഉദ്വമനം ഇല്ലാത്തതുമാണ്. പരീക്ഷണ ഘട്ടത്തിൽ മണിക്കൂറിൽ പരമാവധി 75 കിലോമീറ്റർ വേഗതയിലായിരിക്കും ട്രെയിൻ സർവീസ് നടത്തുക.
പെട്രോളിയം ആൻഡ് എക്സ്പ്ലോസീവ്സ് സേഫ്റ്റി ഓർഗനൈസേഷന്റെ പ്രത്യേക ലൈസൻസോടെയാണ് ഹൈഡ്രജൻ വാതകം കൈകാര്യം ചെയ്യുന്നത്. ജിന്തിൽ ഇതിനായുള്ള ഇന്ധന സംഭരണ-റീഫ്യുവലിംഗ് കേന്ദ്രങ്ങൾ ഇതിനകം സജ്ജമാക്കി കഴിഞ്ഞു. പരീക്ഷണ സർവീസുകൾക്കായി റിസർച്ച് ഡിസൈൻ ആൻഡ് സ്റ്റാൻഡേർഡ്സ് ഓർഗനൈസേഷൻ കർശനമായ ഓപ്പറേഷൻ ഗൈഡ്ലൈനുകളാണ് തയ്യാറാക്കിയിരിക്കുന്നത്. പ്രാരംഭ ഘട്ടത്തിൽ ട്രെയിനിലെ സാങ്കേതിക പ്രവർത്തനങ്ങൾ തത്സമയം നിരീക്ഷിക്കുന്നതിനായി വിദഗ്ദ്ധരായ സാങ്കേതിക ഉദ്യോഗസ്ഥരും യാത്രയിൽ സാന്നിധ്യമുണ്ടാകും.
Story Summary
The Indian Railways has granted final approval for the country’s first indigenous hydrogen train service, set to begin trial runs on the Jind-Sonipat route in Haryana. Equipped with 1200 kW engine power and utilizing eco-friendly hydrogen fuel cell technology, the project aims to reduce carbon emissions significantly in line with India’s 2070 net-zero goals. Successful testing will pave the way for expanding this green transport initiative to major railway lines across the nation.
